കോഴിക്കോട്– കുറ്റ്യാടി സ്ത്രീകളുടെ താമസസ്ഥലത്തെ ശുചിമുറിയില്‍ മൊബൈല്‍ ക്യാമറയുമായി ദൃശ്യങ്ങള്‍ പകര്‍ത്താന്‍ ശ്രമിച്ച ലാബ് നടത്തിപ്പുകാരന്‍ പിടിയില്‍. അരീക്കര സ്വദേശി അസ്ലം എന്നയാളെയാണ് പോലീസ് കസ്റ്റഡിയിലെടുത്തത്. ജൂണ്‍ 13ന് രാത്രിയായിരുന്നു സംഭവം. കുറ്റ്യാടി താലൂക്ക് ആശുപത്രിക്ക സമീപം അരീക്കര ലാബിനോട് ചേര്‍ന്ന് സ്ത്രീകള്‍ക്ക് താമസസൗകര്യം ഒരുക്കിയിട്ടുണ്ട്. അരീക്കര ലാബിലെ ജീവനക്കാരെ കൂടാതെ സമീപത്തെ മറ്റ് ആരോഗ്യ സ്ഥാപനങ്ങളിലെ ജീവനക്കാരും താമസിക്കുന്നുണ്ട്.
വെള്ളിയാഴ്ച രാത്രി ഒമ്പതുമണിയോടെ ഒരു യുവതി ശുചിമുറയില്‍ പോയ സമയത്ത് ജനലിനടുത്ത് ഒരാളെ കണ്ടതോടെ ഇവര്‍ ബഹളം വെക്കുകയായിരുന്നു. തുടര്‍ന്ന് ഓടിക്കൂടിയ നാട്ടുകാര്‍ സി.സി.ടി.വി പരിശോധിച്ചപ്പോഴാണ് സ്ഥാപനത്തിന്റെ നടത്തിപ്പുകാരനായ അരീക്കര അസ്ലമാണ് മൊബൈല്‍ ക്യാമറയുമായി എത്തിയതെന്ന് മനസ്സിലായി. നാട്ടുകാര്‍ ഇയാളെ പിടികൂടി പോലീസില്‍ ഏല്‍പിച്ചു