പൊതുസ്ഥലത്ത് മാലിന്യം തള്ളി സി.പി.എം പഞ്ചായത്തംഗം; പിഴ അടപ്പിച്ചു

മൂവാറ്റുപുഴ: വീട്ടിലെ മാലിന്യം സ്കൂട്ടറിൽ കൊണ്ടുവന്നു റോഡിൽ തള്ളിയതായി പരാതി. മുവാറ്റുപുഴ മഞ്ഞള്ളൂർ പഞ്ചായത്തംഗമാണ് പൊതുസ്ഥലത്ത് മാലിന്യം നിക്ഷേപിച്ചത്. സംഭവത്തിന്റെ സി.സി.ടി.വി ദൃശ്യങ്ങൾ സമൂഹമാധ്യമങ്ങളിലൂടെ വൈറലായിരുന്നു. 13-ാം വാർഡ് മെമ്പർ സി.പി.ഐ.എംകാരനായ സുധാകരൻ പിഎസ് ആണ് മാലിന്യം തള്ളിയത്.

ദൃശ്യങ്ങൾ പ്രചരിച്ചതോടെ അദ്ദേഹത്തെകൊണ്ട് പഞ്ചായത്ത് 1000 രൂപ പിഴയടപ്പിച്ചു. എന്നാൽ 10,000 രൂപ മെമ്പറിൽ നിന്ന് പിഴ ഈടാക്കണമെന്നാണ് ആവശ്യം ഉയരുന്നത്. യൂത്ത് കോൺ​ഗ്രസ് സംഭവത്തിൽ പൊലീസിന് പരാതി നൽകി. സംസ്ഥാന സർക്കാരും സിപിഐഎമ്മും മാലിന്യ സംസ്കരണവുമായി ബന്ധപ്പെട്ട് ബോധവത്കരണം തുടരുമ്പോഴാണ് സിപിഐഎം പഞ്ചായത്തം​ഗം തന്നെ മാലിന്യം പൊതുസ്ഥലത്ത് നിക്ഷേപിക്കുന്നത്.