കൊല്ലം – കൊല്ലത്ത് ഭാര്യയെയും മകളെയും ഗൃഹനാഥന് കഴുത്തറുത്ത് കൊന്ന ശേഷം ആത്മഹത്യക്ക് ശ്രമിച്ചു. മകന് ഗുരുതരാവസ്ഥയില് ചികിത്സയിലാണ്. പരവൂര് സ്വദേശി ശ്രീജുവാണ് ഭാര്യ പ്രീത(39) മകള് ശ്രീനന്ദ(14) എന്നിവരെ കൊലപ്പെടുത്തുകയും മകനെ ഗുരുതരമായി പരിക്കേല്പ്പിക്കുകയും ചെയ്ത ശേഷം ആത്മഹത്യക്ക് ശ്രമിച്ചത്. കടബാധ്യതയാണ് ആത്മഹത്യക്ക് കാരണമെന്ന് പ്രാഥമിക നിഗമനം. പരവൂര് പൂതക്കുളം കൃഷിഭവനത്തിന് സമീപം ഇന്ന് രാവിലെയാണ് സംഭവം. മരിച്ച പ്രീത പൂതക്കുളം സഹകര ബാങ്കിലെ ആര് ഡി സ്റ്റാഫാണ്. മകന് പതിനേഴുകാരനായ ശ്രീരാഗ് ഗുരുതരാവസ്ഥയില് കൊട്ടിയം ആശുപത്രിയില് ചികിത്സയിലാണ്. ആത്മഹത്യക്ക് ശ്രമിച്ച് തിരുവനന്തപുരം മെഡിക്കല് കോളേജില് ചികിത്സയില് കഴിയുന്ന ശ്രീജുവിന്റെ നിലയും ഗുരുതരമാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group