മക്ക – കഴിഞ്ഞ മാസം (മുഹറം) 78,57,270 പേര്‍ ഉംറ കര്‍മം നിര്‍വഹിച്ചതായി ഹറംകാര്യ വകുപ്പ് അറിയിച്ചു. ആറു കോടിയിലേറെ പേര്‍ ഇരു ഹറമുകളും സന്ദര്‍ശിച്ചു. വിശുദ്ധ ഹറമില്‍ 2,75,31,599 പേര്‍ നമസ്‌കാരം നിര്‍വഹിച്ചു. ഇതില്‍ 47,823 പേര്‍ വിശുദ്ധ കഅബാലയത്തിന്റെ ഭാഗമായ ഹിജ്ര്‍ ഇസ്മായിലില്‍ നമസ്‌കാരം നിര്‍വഹിച്ചു.
മസ്ജിദുന്നബവിയില്‍ മുഹറം മാസം 2,15,76,200 പേര്‍ നമസ്‌കാരം നിര്‍വഹിച്ചു. ഇതില്‍ 11,22,368 പേര്‍ക്ക് റൗദ ശരീഫില്‍ നമസ്‌കാരം നിര്‍വഹിക്കാന്‍ അവസരം ലഭിച്ചു. 21,10,375 പേര്‍ പ്രവാചകന്റെയും അനുചരന്മാരുടെയും ഖബറിടങ്ങളില്‍ സിയാറത്ത് നടത്തി സലാം ചൊല്ലിയതായും ഹറംകാര്യ വകുപ്പ് അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group