ദുബൈ: ഇലക്ട്രീഷ്യനായി ജോലി മലയാളി യുവാവ് ദുബൈയില്‍ ഷോക്കേറ്റ് മരിച്ചു. പാലക്കാട്, കൂറ്റനാട് ചാലിശ്ശേരി ദുബൈ റോഡ് കൊളവര്‍ണിയില്‍ വീട്ടില്‍ മാനു- സുബൈദ ദമ്പതികളുടെ മകന്‍ അജ്മല്‍ (24) ആണു മരിച്ചത്. ദുബൈയില്‍ ഇലക്ട്രിഷ്യനായി ജോലി ചെയ്തു വരികയായിരുന്നു. സഹോദരങ്ങള്‍: അസ്ലഹ, അഫീന, നിഷ. കപ്പലിലെ വര്‍ക്ഷോപ്പില്‍ ജോലിചെയ്യുന്നതിനിടെ ഷോക്കേല്‍ക്കുകയായിരുന്നുവെന്നാണ് പ്രാഥമിക വിവരം.
കഴിഞ്ഞ ബുധനാഴ്ചയാണു സംഭവമുണ്ടായത്. ഈ മാസം 30നു നാട്ടിലേക്ക് പോകാനിരിക്കെയാണ് അപകടത്തില്‍ മരണപ്പെടുന്നത്. സഹോദരിയുടെ വിവാഹത്തില്‍ പങ്കെടുക്കുന്നതിനായി അജ്മല്‍ ഒന്നരവര്‍ഷം മുന്‍പാണ് നാട്ടില്‍ പോയി തിരിച്ചുവന്നത്. നടപടിക്രമങ്ങള്‍ പൂര്‍ത്തിയാക്കി മൃതദേഹം നാട്ടില്‍ കൊണ്ട് പോയി ഖബറടക്കുമെന്ന് ബന്ധുക്കള്‍ അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group