വേനൽ ചൂടിൽ പ്രണയാർദ്രയായ മനസ്സുകളെ കുളിരണിയിക്കാൻ പ്രവാസലോകത്തിൽ നിന്നും ഒരു പറ്റം കലാകാരന്മാര്‍.
മനോഹരമായ ദൃശ്യവിസ്മയത്തോടെ അണിയിച്ചൊരുക്കിയ ഹീര-ഒരു നിഹാരം പോലെ എന്ന ഗാനാവിഷ്കാരം ഇന്ന്, വൈകുന്നേരം 5 മണിക്ക് യൂട്യൂബിലൂടെ റിലീസ് ചെയ്യും. എഫ്.എം.പി ഫ്ലിക്സിന്‍റെ ബാനറിൽ എസ്സാര്‍ മീഡിയ യൂട്യൂബ് ചാനലിലൂടെയാണ് പ്രേക്ഷകരിലേക്ക് എത്തുക.
പൂർണമായും അബുദാബിയിൽ ചിത്രീകരിച്ച ഗാനാവിഷ്കാരം സംവിധാനം ചെയ്തത് മോഹനിയാട്ടം കലാകാരി കൂടിയായ രമ്യ കെ ഡെന്നിസ് ആണ്. ഛായാഗ്രഹണം അബു ജിഹാദ് . പുതുമുഖപ്രതിഭകളായ ആൽഫ്രഡ്, അനീറ്റ എന്നിവരുടെ കൂടെ രമ്യയും ഗാന രംഗങ്ങൾക്ക് മാറ്റ് കൂട്ടി. ഹീരയുടെ ഹൃദ്യമായ ഗാനങ്ങള്‍ രചിച്ചതും ആലപിച്ചതും സംഗീത സംവിധായൻ കൂടിയായ ഫഹീം എം പാരിയാണ്. സംഗീതസംവിധാനത്തിനു ചുക്കാൻ പിടിച്ചത് പ്രശസ്ത സിനിമാ സംഗീതജ്ഞൻ സിബു സുകുമാരൻ. സൗണ്ട് എഞ്ചിനീയർ അൻസാർ വെഞ്ഞാറമൂടിന്റെ അബു ദാബിയിലെ സൗണ്ട് സ്റ്റുഡിയോയിൽ ആണ് റെക്കോർഡിംഗ്, മിക്സിംഗ് & മാസ്റ്ററിങ് പൂർത്തിയാക്കിയത്.
ഇതിലൂടെ പ്രണയത്തിന്റെ പുതിയൊരു കാവ്യം കുറിക്കുകയാണ് ഈ അനുഗ്രഹീത കലാകാരന്മാർ