അബുദാബി- ഹൃസ്വ സന്നർശനാർത്ഥം യു എ ഇയിൽ എത്തിയ തൃക്കരിപ്പൂർ എം എൽ എ സന്ദീപ് വാര്യർക്ക് അബുദാബി മലയാളി സമാജത്തിൽ സ്വീകരണം നൽകി. ഇൻകാസ് യു.എ.ഇ നാഷണൽ കമ്മിറ്റി. ജനറൽ സെക്രട്ടറി ( സംഘടനാ ചുമതല) യേശുശീലൻ ഉത്ഘാടനം ചെയ്തു. ചടങ്ങിൽ മലയാളി സമാജം പ്രസിഡൻ്റും ഇൻകാസ് അബുദാബി കമ്മിറ്റി പ്രസിഡൻ്റുമായ എ എം അൻസാർ അധ്യക്ഷത വഹിച്ചു.
ഇൻകാസ് കാസറഗോഡ് ജില്ലാ ജനറൽ സെക്രട്ടറി ബഷീർ ദർഗാസ് കളനാട് എം എൽ എ യെ ഷാൾ അണിയിച്ചു സ്വീകരിച്ചു. ഇൻകാസ് അബുദാബി വിവിധ ജില്ലാ ഭാരവാഹികൾ അടക്കമുള്ള നേതാക്കൾ ആശംസകൾ അറിയിച്ചു. ജനറൽ സെക്രട്ടറി – പി.ടി. റഫീഖ്, ട്രഷറർ അനീഷ് മോൻ, അനീഷ്, വനിത വിംഗ് അടക്കമുള്ള മാനേജിങ് കമ്മിറ്റി അംഗങ്ങളും പങ്കെടുത്തു. ഇൻകാസ് അബുദാബി ജനറൽ സെക്രട്ടറി എം യു ഇർഷാദ് സ്വാഗതവും ട്രഷറർ സാബു അഗസ്റ്റിൻ നന്ദിയും പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group