മക്ക – മക്ക നഗരത്തിലും വിശുദ്ധ ഹറമിനടുത്ത സെന്ട്രല് ഏരിയയിലും പുണ്യസ്ഥലങ്ങളിലും ഹജ് തീര്ഥാടകര് പതിവായി എത്തുന്ന എല്ലാ ജുമാമസ്ജിദുകളിലും പള്ളികളിലും ബാങ്കിനും ഇഖാമത്തിനും ഇടയിലുള്ള കാത്തിരിപ്പ് സമയം കുറക്കാന് ഇസ്ലാമിക, ദഅ്വ, ഗൈഡന്സ് കാര്യ മന്ത്രി ശൈഖ് ഡോ. അബ്ദുല്ലത്തീഫ് ആലുശൈഖ് നിര്ദ്ദേശിച്ചു. ഹജ് സീസണില് തീര്ഥാടകരെ പരിചരിക്കാനും തിരക്ക് കുറക്കാനും അവരുടെ അനുഭവം സുഗമമാക്കാനുമുള്ള നിരന്തരമായ ശ്രമങ്ങളുടെ ഭാഗമാണിത്. ഫജ്ര് (പ്രഭാത) നമസ്കാരത്തിന് ബാങ്കിനും ഇഖാമത്തിനും ഇടയിലുള്ള കാത്തിരിപ്പ് സമയം 15 മിനിറ്റായി നിര്ണയിച്ചിട്ടുണ്ട്. ദുഹ്ര്, അസര്, മഗ്രിബ്, ഇശാ നമസ്കാരങ്ങള്ക്ക് ഇത് 5 മിനിറ്റായി കുറച്ചിരിക്കുന്നു. വെള്ളിയാഴ്ച ജുമുഅ ഖുതുബയും നമസ്കാരവും 15 മിനിറ്റില് കവിയരുതെന്നും നിര്ദ്ദേശമുണ്ട്. വലിയ ജനക്കൂട്ടത്തെ കണക്കിലെടുത്തും തിരക്കേറിയ സമയങ്ങളില് തീര്ഥാടകരുടെ ഭാരം ലഘൂകരിക്കുക എന്ന ലക്ഷ്യത്തോടെയുമാണിത്. ഹജ് സീസണ് അവസാനിക്കുന്നതു വരെ ഈ ക്രമീകരണം നിലവിലുണ്ടാകും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group