ജിദ്ദ – ജിദ്ദയില്‍ നിന്ന് ലണ്ടനിലേക്കുള്ള വിമാന സര്‍വീസില്‍ ഡ്യൂട്ടിയിലായിരിക്കെ സൗദി എയര്‍ലൈന്‍സ് ക്യാബിന്‍ മാനേജര്‍ മുഹ്സിന്‍ ബിന്‍ സഈദ് അല്‍സഹ്റാനി മരണപ്പെട്ടതായി കമ്പനി അറിയിച്ചു.
ഇന്ന് ജിദ്ദയില്‍ നിന്ന് ലണ്ടനിലേക്കുള്ള യാത്രാമധ്യേ എസ്.വി 119 -ാം നമ്പര്‍ വിമാനത്തില്‍ ഡ്യൂട്ടിയിലായിരിക്കെ പെട്ടെന്നുള്ള ആരോഗ്യ പ്രശ്‌നങ്ങളെ തുടര്‍ന്ന് മുഹ്സിന്‍ ബിന്‍ സഈദ് അല്‍സഹ്റാനി മരണപ്പെടുകയായിരുന്നെന്ന് സൗദിയ പ്രസ്താവനയില്‍ പറഞ്ഞു.
സഹപ്രവര്‍ത്തകരും വിമാനത്തിലുണ്ടായിരുന്ന മെഡിക്കല്‍ പ്രൊഫഷണലുകളും അദ്ദേഹത്തെ സഹായിക്കാന്‍ ശ്രമിച്ചുവെങ്കിലും വിമാനം ഈജിപ്തിലെ കയ്റോ വിമാനത്താവളത്തില്‍ എത്തുന്നതിന് മുമ്പായി മരണം സംഭവിച്ചതായി കമ്പനി പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group