മക്ക- നൂറാം വാർഷികം ആഘോഷിക്കുന്ന സമസ്ത കേരള ജംഇയ്യത്തുൽ ഉലമയെ ശക്തിപ്പെടുത്താൻ മുഴുവൻ സമസ്ത പ്രവർത്തകരും മുന്നിട്ടിറങ്ങണമെന്ന് റഷീദിയ്യ അറബിക് കോളേജ് വർക്കിംഗ് പ്രസിഡന്റും മലപ്പുറം ഈസ്റ്റ് ജില്ലാ എസ്.വൈ.എസ് വൈസ് പ്രസിഡന്റുമായ ബി.എസ്.കെ തങ്ങൾ പറഞ്ഞു.
മക്ക എസ്.ഐ.സി അസീസിയ ഏരിയ കമ്മറ്റി പാനൂർ റെസ്റ്റോറന്റ് ഓഡിറ്റോറിയത്തിൽ സംഘടിപ്പിച്ച സ്വീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. നൂറു വർഷത്തെ പാരമ്പര്യമുള്ള പ്രസ്ഥാനമാണ് സമസ്ത. കേരള മുസ്ലിംകളുടെ ദീനീ പരിസരം വൃത്തിയായി സൂക്ഷിക്കുന്നതിൽ സമസ്ത വഹിച്ച പങ്ക് ആർക്കും നിഷേധിക്കാനാവില്ല. എല്ലാ ഭിന്നതകളും മാറ്റി വെച്ച് എല്ലാ പ്രവർത്തകരും സമസ്തയെ ശക്തിപ്പെടുത്താൻ മുന്നിട്ടിറങ്ങണമെന്നും അദ്ദേഹം പറഞ്ഞു .
കുഞ്ഞാപ്പ പൂക്കോട്ടൂർ അധ്യക്ഷത വഹിച്ചു. അസീസിയ എസ്.ഐ.സിയുടെ ഉപഹാരം കെ.എം.സി.സി സൗദി നാഷണൽ കമ്മറ്റി സെക്രട്ടറിയേറ്റ് മെമ്പർ ഹാരിസ് പെരുവള്ളൂർ, ബി.എസ്.കെ തങ്ങൾക്ക്‌ നൽകി. എം.സി നാസർ, മൂസ, നാസർ വക്കാട്, അസൈൻ, അസീസ് മാവൂർ, റാഫി ഐക്കരപ്പടി എന്നിവർ പ്രസംഗിച്ചു.