ജിദ്ദ: എടവണ്ണ പഞ്ചായത്ത് മുസ്ലിം ലീഗ് പ്രസിഡന്റ് വി.പി ലുക്മാന് ജിദ്ദ എടവണ്ണ പഞ്ചയാത്ത് കെ.എം.സി.സി സ്വീകരണം നൽകി. മാഫിയ ഭരണമാണ് കേരളത്തിൽ നടക്കുന്നതെന്നും മുഖ്യമന്ത്രി അതിന് നേതൃത്വം നൽകുകയാണെന്നും ലുഖ്മാൻ ആരോപിച്ചു. ജിദ്ദ മലപ്പുറം ജില്ലാ കെ എം സി സി പ്രസിഡന്റ് ഇസ്മായിൽ മുണ്ടുപറമ്പ് ഉദ്ഘാടനം ചെയ്തു. ജനറൽ സെക്രട്ടറി നാണി ഇസ്ഹാഖ്, ജില്ലാ ഭാരവാഹികളായ സൈതലവി കുഴിമണ്ണ, ഇ അഷ്‌റഫ്, ഏറനാട് മണ്ഡലം കെ എം സി സി പ്രസിഡന്റ് സുൽഫീക്കർ ഒതായി എന്നിവർ ആശംസ അറിയിച്ചു.
ജിദ്ദ സെൻട്രൽ കമ്മറ്റി കെ എം സി സിയുടെ കുടുംബ സുരക്ഷാ അപേക്ഷ ഫോം വിതരണം ഉദ്ഘാടനം ലുഖുമാൻ, ഫിറോസ് ബാബുവിന് നൽകി ഉൽഘാടനം ചെയ്തു. ജിദ്ദ എടവണ്ണ പഞ്ചായത്ത് കെ എം സി സി പ്രസിഡന്റ് ഫിറോസ് ബാബു അധ്യക്ഷത വഹിച്ചു. ജനറൽ സെക്രട്ടറി കെ സി അബൂബക്കർ പള്ളിമുക്ക് സ്വഗതം പറഞ്ഞു, ഖജാൻജി ഹബീബ് കാഞ്ഞിരാല നന്ദി പറഞ്ഞു. ഭാരവാഹികളായ ഷിജു എടവണ്ണ, മാട്ടുമ്മൽ ഷാജി, അമീൻ ചെമ്മല, സിദീഖ് പുള്ളിപ്പാടം, നബീൽ പാലപ്പറ്റ എന്നിവർ പരിപാടിക്ക് നേതൃത്വം നൽകി