റിയാദ്: ഹ്രസ്വ സന്ദര്‍ശനാര്‍ത്ഥം റിയാദിലെത്തിയ ദുബൈ കെ.എം.സി.സി പ്രസിഡന്റ് ഡോ അന്‍വര്‍ അമീന് ചേലാട്ടിന് റിയാദ് കെ.എം.സി.സി സെന്‍ട്രല്‍ കമ്മിറ്റി സ്വീകരണം നല്‍കി. സെന്‍ട്രല്‍ കമ്മിറ്റി പ്രസിഡന്റ് സി.പി മുസ്തഫ ഡോ. അന്‍വര്‍ അമീനെ ഷാള്‍ അണിയിച്ചു സ്വീകരിച്ചു. സ്വപ്ന തുല്യമായ സൗദിയുടെ വികസന മുന്നേറ്റം പ്രവാസികള്‍ക്ക് വന്‍ അവസരങ്ങളാണ് തുറക്കുന്നതെന്നും നിക്ഷേപ രംഗത്തും തൊഴില്‍ മേഖലയിലുമുള്ള സാധ്യതകളെ ക്രിയാത്മകമായി ഉപയോഗപ്പെടുത്താന്‍ നമുക്ക് കഴിയണമെന്നും അന്‍വര്‍ അമീന് പറഞ്ഞു.
സെന്‍ട്രല്‍ കമ്മിറ്റി ജനറല്‍ സെക്രട്ടറി ഷുഹൈബ് പനങ്ങാങ്ങര, ഓര്‍ഗനൈസിംഗ് സെക്രട്ടറി സത്താര്‍ താമരത്ത്, വൈസ് പ്രസിഡന്റ് അഷ്‌റഫ് കല്‍പകഞ്ചേരി, കെഎംസിസി നാഷണല്‍ കമ്മിറ്റി സെക്രട്ടറിയേറ്റ് അംഗങ്ങളായ കെ.കെ കോയാമുഹാജി, മുഹമ്മദ് വേങ്ങര, കോഴിക്കോട് ജില്ല ട്രഷറര്‍ റാഷിദ് ദയ, ഹനീഫ കല്‍പകഞ്ചേരി, ഉമ്മര്‍ കൂള്‍ ടെക്, ഹംസത്ത് അലി പനങ്ങാങ്ങര എന്നിവര്‍ പങ്കെടുത്തു.