ജിദ്ദ- ഉംറ നിർവഹിക്കാനെത്തിയ മലപ്പുറം പൂക്കോട്ടൂർ സ്വദേശി ജിദ്ദയിൽ നിര്യാതനായി. പൂക്കോട്ടൂരിലെ പരേതനായ കറുത്തേടത്ത് അബ്ദുഹാജിയുടെ മകൻ ഉമ്മർ എന്ന കുഞ്ഞാപ്പ(65)യാണ് ജിദ്ദയിൽ നിര്യാതനായത്. കെ.എം.സി.സി നേതാവ് മുജീബ് പൂക്കോട്ടൂരിൻ്റെ പിതൃസഹോദര പുത്രനാണ്. ഒരു മാസം മുമ്പാണ് ഭാര്യക്കൊപ്പം ഉംറ നിർവഹിക്കാനെത്തിയത്.
ഉംറ നിർവ്വഹിച്ച ശേഷം ജിദ്ദയിലുള്ള മകൾ റിഷാനയുടെയും, മരുമകൻ ബാസിമിൻ്റെയും കൂടെ താമസിക്കുകയായിരുന്നു. ചെറിയ പെരുന്നാൾ കഴിഞ്ഞ് അടുത്ത മാസം നാലിന് നാട്ടിലേക്ക് മടങ്ങാനിരുന്നതാണ്. മുപ്പത് വർഷത്തോളം റിയാദിൽ പ്രവാസിയായിരുന്നു.മയ്യിത്ത് മറവ് ചെയ്യുന്നതിനും മറ്റു സഹായങ്ങൾക്കും ജിദ്ദ കെഎംസിസി വെൽഫയർ വിങ്ങ് കൂടെയുണ്ട്.
ഭാര്യ- ആറ്റശ്ശേരി ഷാഹിന(മൊറയൂർ), മക്കൾ : റഷീഖ് (ഹൈദരാബാദ്), റിഷാന (ജിദ്ദ ), റിൻഷി ( ബംഗളൂരു), റയാൻ. മരുമകൻ- പുത്തൂപ്പാടൻ ബാസിം (പുല്ലങ്കോട് )