ഉനൈസ- “വിശുദ്ധ ഖുർആൻ മാനവരാശിയുടെ വെളിച്ചം”എന്ന പ്രമേയത്തിലുള്ള ഇന്ത്യൻ കൾച്ചറൽ ഫൌണ്ടേഷൻ (ഐ.സി.എഫ്) റമദാൻ കാമ്പയിനിന്റെ ഭാഗമായി അൽ ഖസീമിലെ ഉനൈസയിൽ ഐ.സി.എഫ്, രിസാല സ്റ്റഡി സർക്കിൾ (ആർ.എസ്.സി )കർണാടക കൾച്ചറൽ ഫൌണ്ടേഷൻ സെക്ട്ർ കമ്മിറ്റികൾ സംയുക്തമായി സ്നേഹ സംഗമവും സമൂഹ നോമ്പുതുറയും ബുർദ മജ്‌ലിസും നടത്തി
ഈ വർഷത്തെ യു.എ.ഇ ഗവർമെന്റിന്റെ റമദാൻ അതിഥിയും സമസ്ത മുശവറ അംഗവുമായ മാരായമംഗലം അബ്ദുറഹ്മാൻ ഫൈസി സംഗമത്തിൽ മുഖ്യാഥിതിയായിരുന്നു.
അൽ അറീഫ് ഇസ്തിറാഹയിൽ നടന്ന ഇഫ്താർ സംഗമത്തിൽ മത ,സാമൂഹ്യ ,സാംസ്‌കാരിക, രാഷ്ട്രീയ രംഗങ്ങളിലെ വിവിധ നേതാക്കളും പ്രവർത്തകരും ഉൾപ്പെടെ മേഖലയിലെ നൂറുകണക്കിനാളുകൾ പങ്കെടുത്തു.
സംഗമത്തിൽ ഐ.സി.എഫ് അൽ ഖസീം സെൻട്രൽ പ്രസിഡന്റ് ഹംസ മുസ്‌ലിയാർ കരുവാരക്കുണ്ട് അധ്യക്ഷനായിരുന്നു. ഫസൽ മഞ്ചേശേരം സ്വാഗതവും മുജീബ് സഖഫി മാളിയേക്കൽ സന്ദേശ പ്രഭാഷണവും നടത്തി. ഐ.സി.എഫ സെക്ടർ പ്രസിഡണ്ട് ഹുസ്സൈൻ ഹാജി മുഖ്യാതിഥിയെ ആദരിച്ചു. സംഗമത്തിന്റെ വളണ്ടിയർ ക്യാപ്റ്റൻ മുഹിയുദ്ധീൻ, സഫിയുള്ള,സെക്ടർ സെക്രട്ടറി അബ്ദുൽ ഗഫൂർ ഓമശ്ശേരി എന്നിവർ പ്രസംഗിച്ചു.