ജിദ്ദ: – ഡയലോഗ്സിന്റെ കീഴിൽ ഡയറക്ടർ അലി അരീക്കത്തിന്റെ ട്വിൻസ് ലെജന്റസ് ഓഫ് മലബാർ എന്ന ഡോക്യുമെന്ററിയുെ പ്രദർശനം ജിദ്ദയിൽ നടത്തി. ജിദ്ദയിലെ ചർച്ചാവേദിയായ ഡയലോഗ്സിന്റെ ആഭിമുഖ്യത്തിലാണ് പ്രദർശനം നടന്നത്. ജിദ്ദയിലെ സമൂഹിക സാംസ്കാരിക രംഗത്തെ പ്രമുഖർ ചർച്ചയിൽ സംസാരിച്ചു.
നാസർ തിരുനിലത്ത് നിർമ്മിച്ച് അലി അരീക്കത്ത് സംവിധാനം ചെയ്യുന്ന മസറ ഫിലിമിന്റെ പോസ്റ്റർ സിനിമാ നിർമ്മാതാവ് നൗഷാദ് ആലത്തൂർ പ്രകാശനം ചെയ്തു. നാസർ തിരുനിലത്തിന് കൈമാറിയാണ് പ്രകാശനം നിർവഹിച്ചത്. പ്രവാസത്തിന് മുതൽക്കൂട്ടാകുന്ന തരത്തിൽ മസറ ഉയരങ്ങൾ കീഴടക്കട്ടെയെന്ന് അദ്ദേഹം ആശംസിച്ചു. മസറ സിനിമയുടെ നിർമാതാവ് നാസർ തിരുനിലത്ത് സിനിമാ അനുഭവങ്ങളും അലി അരീക്കത്ത് ഡോക്യുമെന്ററി അനുഭവങ്ങളും പങ്കുവെച്ചു.
ഡോക്യുമെന്ററി ചർച്ചയിൽ ബഷീർ വള്ളിക്കുന്ന്,ഷിബു തിരുവനന്തപുരം, ഡോക്ടർ രാജു, ജലീൽ കണ്ണമഗലം,ജാഫറലി പാലക്കോട്,സുബൈർ, അഫ്സൽ നാറാണത്ത്,നജീബ് വെഞ്ഞാറമൂട് , അബ്ദുൽ ഖാദർ,ഹാരിസ് ഹസ്സൻ,അബ്ദുല്ല മുക്കണ്ണി, ജാവേദ് ജാസിർ,അനീസ്, നാസർ ചെമ്പൻ, എന്നിവർ സംസാരിച്ചു, ഷാജു അത്താണിക്കൽ അദ്ധ്യക്ഷത വഹിച്ച പരിപാടിയിൽ അസ്സൈൻ ഇല്ലിക്കൽ സ്വാഗതവും നാഫി നന്ദിയും പറഞ്ഞു,