ജിദ്ദ: ശാറാ ഫലസ്തീൻ മൊബൈൽ സൂക്കിൽ ജോലി ചെയ്തിരുന്ന മലപ്പുറം വണ്ടൂർ വാണിയമ്പലം ശാന്തിനഗർ സ്വദേശി പള്ളിയാളി ദിൽഷാദ് (45) ജിദ്ദയിൽ നിര്യാതനായി. താമസസ്ഥലത്തു വെച്ചുണ്ടായ ഹൃദയാഘാതത്തെ തുടർന്നായിരുന്നു അന്ത്യം. കഴിഞ്ഞ 22 വർഷമായി പ്രവാസിയായിരുന്നു.
പള്ളിയാളി അബ്ദുൽ കരീമിന്റെയും നരിമണ്ണിൽ മൈമൂനയുടെയും മകനാണ്. റുബീനയാണ് ഭാര്യ. ദിയാൻ, ഐദിൻ എന്നിവർ മക്കളാണ്. ദിൽസത്ത്, ദിൽറുബ എന്നിവർ സഹോദരിമാരാണ്.
നിലവിൽ കിംഗ് ഫഹദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾക്ക് ശേഷം ജിദ്ദയിൽ തന്നെ മറവുചെയ്യുമെന്ന് ബന്ധുക്കൾ അറിയിച്ചു. നിയമനടപടികൾ പൂർത്തിയാക്കുന്നതിനായി ജിദ്ദ കെ.എം.സി.സി വെൽഫെയർ വിങ് പ്രവർത്തകർ രംഗത്തുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group