ഹജിനെത്തിയ തിരുവനന്തപുരം സ്വദേശിയായ യുവതി മക്കയിൽ നിര്യാതയായി

മക്ക- ഹജിനെത്തിയ തിരുവനന്തപുരം സ്വദേശിയായ യുവതി മക്കയിൽ നിര്യാതയായി. തിരുവനന്തപുരം കരിച്ചാറ കുടുംബത്തിലെ നാവായിക്കുളം ഡീസന്റ് മുക്കിൽ താമസിക്കുന്ന ഷൈല – സുബൈർ ദമ്പതികളുടെ മകൾ ഫർസാന (35 )യാണ് മരിച്ചത്. ഭർത്താവ് സഫീറിനൊപ്പമാണ് ഹജിനെത്തിയത്. ഹജ് കർമ്മത്തിനിടെ മക്കയിൽ ശാരീരിക അസ്വസ്ഥതയെ തുടർന്ന് ആശുപത്രിയിൽ പ്രവേശിപ്പിച്ചതായിരുന്നു. ഇന്ന് വെളുപ്പിന് 2.30 ഓടുകൂടി ആശുപത്രിയിലാണ് നിര്യാതയായത്. ഇന്ന് ളുഹർ നമസ്കാരനന്തരം മക്കയിൽ ഖബറടക്കും.