മക്ക– മകന്റെ വിവാഹ ചടങ്ങുകൾ കഴിഞ്ഞ് നാട്ടിൽ നിന്നും തിരികെ മക്കയിലെത്തിയ മലയാളി പ്രവാസി നിര്യാതനായി. കണ്ണൂർ തളിപ്പറമ്പ് തുവ്വേങ്ങാട് സ്വദേശി കെ. ബി മുഹമ്മദ് (മമ്മു) ആണ് മക്കയിലെ കിങ് അബ്ദുള്ള മെഡിക്കൽ സിറ്റിയിൽ ചികിത്സയിലിരിക്കെ അന്തരിച്ചത്. വെറും രണ്ടാഴ്ച മുമ്പാണ് മകന്റെ വിവാഹത്തിൽ പങ്കെടുത്ത് ഇദ്ദേഹം നാട്ടിൽ നിന്നും തിരികെയെത്തിയത്.
മക്കയിലെത്തിയ ശേഷം ശാരീരികമായ തളർച്ച അനുഭവപ്പെട്ടതിനെ തുടർന്ന് ഇദ്ദേഹത്തെ ആദ്യം താഇഫിലെ ആശുപത്രിയിലാണ് പ്രവേശിപ്പിച്ചത്. പിന്നീട് വിദഗ്ധ ചികിത്സയ്ക്കായി മക്കയിലെ കിങ് അബ്ദുള്ള മെഡിക്കൽ സിറ്റിയിലേക്ക് മാറ്റുകയായിരുന്നു. ചികിത്സ തുടരുന്നതിനിടെയാണ് അന്ത്യം സംഭവിച്ചത്. മക്കയിൽ മരണാനന്തര നടപടിക്രമങ്ങൾ പൂർത്തിയാക്കിയ ശേഷം മൃതദേഹം അവിടെത്തന്നെ മറവ് ചെയ്യുമെന്ന് ഐ.സി.എഫ് (ICF) വെൽഫയർ ടീം അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group