റിയാദ്- നിലമ്പൂർ ഉപതെരഞ്ഞെടുപ്പിൽ ഐക്യ ജനാധിപത്യ മുന്നണി മിന്നും വിജയം നേടുമെന്ന് റിയാദ് ഒഐസിസി, കെഎംസിസി മലപ്പുറം ജില്ലാ സംയുക്ത കൺവെൻഷൻ അഭിപ്രായപ്പെട്ടു. റിയാദിലെ ഒഐസിസി ആസ്ഥാനമായ സബർമതിയിൽ ഒഐസിസി മലപ്പുറം ജില്ല പ്രസിഡന്റ്‌ സിദ്ധീഖ് കല്ലുപറമ്പന്റെ അധ്യക്ഷതയിൽ ചേർന്ന യോഗം കെഎംസിസി സൗദി നാഷണൽ കമ്മിറ്റി വൈസപ്രസിഡന്റ് ഉസ്മാൻ അലി പാലത്തിങ്ങൽ ഉത്ഘാടനം ചെയ്തു. കെഎംസിസി ഓർഗനൈസിംഗ് സെക്രട്ടറി സത്താർ താമരത്ത്, ഒഐ സിസി നാഷണൽ കമ്മിറ്റി ജനറൽ സെക്രട്ടറി അഡ്വ: എൽ കെ അജിത്ത് എന്നിവർ മുഖ്യ പ്രഭാഷണം നടത്തി.
നിലമ്പൂരിൽ ചരിത്ര വിജയമാണ് യുഡിഎഫിനെ കാത്തിരിക്കുന്നത്. സംസ്ഥാന ഭരണത്തിന് നേതൃത്വം കൊടുക്കുന്ന ഇടതുപക്ഷത്തിന് മുഖ്യമന്ത്രിയും മന്ത്രിമാരും നിലമ്പൂരിൽ തമ്പടിച്ചിട്ടു പോലും വികസനം ചർച്ച ചെയ്യാനാകുന്നില്ല. മുഖ്യമന്ത്രി ഉൾപ്പെടെയുള്ളവർ വിലകുറഞ്ഞ ആരോപണങ്ങളും വർഗീയ കാർഡും ഇറക്കി കളിക്കുകയാണ്. നിലമ്പൂരിലെ വോട്ടർമാർ യുഡിഎഫിന് അനുകൂലമായി വിധിയെഴുതും. നിലമ്പൂർ ഉപതിരഞ്ഞെടുപ്പ് വരാനിരിക്കുന്ന നിയമസഭാ തെരഞ്ഞെടുപ്പിന്റെ ട്രെൻഡ് സെറ്റിംഗ് തെരഞ്ഞെടുപ്പാണെന്നും നേതാക്കൾ അഭിപ്രായപ്പെട്ടു. മലപ്പുറം ജില്ലയിൽ നിന്നുള്ള പ്രത്യേകിച്ചും നിലമ്പുർ മണ്ഡലത്തിൽ നിന്നുള്ള ഒ ഐ സി സി- കെ എം സി സി പ്രവർത്തകർ കൺവൻഷന്റെ ഭാഗമായി.
കെ എം സി സി മലപ്പുറം ജില്ല പ്രസിഡന്റ്‌ ഷൗക്കത്ത് കടമ്പോട്ടിന്റെ സ്വാഗത പ്രസംഗത്തോടെ ആരംഭിച്ച കൺവെൻഷനിൽ ഒ ഐ സി സി മലപ്പുറം ജില്ല ട്രഷറര്‍ ഷറഫു ചിറ്റൻ നന്ദി പറഞ്ഞു. ഒഐസിസി സെൻട്രൽ കമ്മിറ്റി ആക്ടിംഗ് പ്രസിഡണ്ട് നവാസ് വെള്ളിമാട്കുന്ന്, വൈസ് പ്രസിഡന്റ്‌ രഘുനാഥ്‌ പറശ്ശിനിക്കടവ്, കെ എം സി സി സെൻട്രൽ കമ്മിറ്റി ആക്ടിങ് സെക്രട്ടറി ഷാഫി മാസ്റ്റർ തുവ്വൂർ, നാഷണൽ കമ്മിറ്റി നേതാവ് മുജീബ് ഉപ്പട, ഒ ഐ സി സി റിയാദ് സെൻട്രൽ കമ്മിറ്റി ജനറൽ സെക്രട്ടറി സുരേഷ് ശങ്കർ, നാഷണൽ കമ്മിറ്റി ജനറൽ സെക്രട്ടറി സലീം അർത്തിയിൽ,കെഎംസിസി റിയാദ് സെൻട്രൽ കമ്മിറ്റി വൈസ് പ്രസിഡന്റ്‌ റഫീഖ് മഞ്ചേരി, ഒ ഐ സി സി വനിതാവേദി പ്രസിഡന്റ്‌ മൃതുല വിനീഷ്, കെ എം സി സി മലപ്പുറം ജില്ല ആക്ടിങ് സെക്രട്ടറി സഫീർഖാൻ കരുവാരക്കുണ്ട്, ഒ ഐ സി സി മലപ്പുറം ജില്ല ജനറൽ സെക്രട്ടറി സമീർ മാളിയേക്കൽ, ജില്ല സെക്രട്ടറി ഷൗക്കത്ത് നിലമ്പുർ, ഫൈസൽ അമ്പലക്കോടൻ, കെ എം സി സി ജില്ല ഭാരവാഹി മുനീർ വാഴക്കാട്, നിലമ്പുർ മണ്ഡലം ജനറൽ സെക്രട്ടറി ജംഷീദ് ചുള്ളിയോട് തുടങ്ങിയവർ ആശംസകൾ നേർന്നു.