റിയാദ്- വിവര സാങ്കേതിക രംഗത്തെ ത്വരിതഗതിയിലുള്ള വളര്‍ച്ചയെ പാഠ്യപദ്ധതിയുടെ ഭാഗമാക്കി വിദ്യാര്‍ഥികള്‍ക്ക് മികച്ച പരിശീലനം നല്‍കുന്നതിന്റെ ഭാഗമായി അലിഫ് ഇന്റര്‍നാഷണല്‍ സ്‌കൂള്‍ തെരഞ്ഞെടുത്ത വിദ്യാര്‍ഥികള്‍ക്കായി റോബോട്ടിക്‌സ് വര്‍ക്ക്‌ഷോപ്പ് സംഘടിപ്പിച്ചു. എയര്‍ ബസ് ഫൗണ്ടേഷനും ലിറ്റില്‍ എന്‍ജിനീയറുമായും സഹകരിച്ചാണ് റോബോട്ടിക്‌സ് വര്‍ക്ക്‌ഷോപ്പ് സംഘടിപ്പിച്ചത്.
ആര്‍ട്ടിഫിഷ്യല്‍ ഇന്റലിജന്‍സ്, കോഡിങ്, റോബോട്ടിക്‌സ്, ഐ ഒ ടി, തുടങ്ങി മേഖലയില്‍ കഴിവ് തെളിയിച്ച വിദ്യാര്‍ത്ഥികള്‍ വര്‍ക്ക്‌ഷോപ്പില്‍ പങ്കെടുത്തു. സാങ്കേതികതയുടെ എല്ലാ തലങ്ങളും ഉള്‍പ്പെട്ട റിയാദ് മെട്രോയുടെ പ്രവര്‍ത്തനങ്ങളെ സമഗ്രമായി വിശദീകരിച്ചു. ഗതാഗതരംഗത്ത് ഏറെ ശ്രദ്ധിക്കപ്പെടാന്‍ പോകുന്ന റിയാദ് മെട്രോ നിശ്ചിത ലൈനുകള്‍ മാത്രം ആധാരമാക്കി പ്രവര്‍ത്തിക്കുന്നത് എങ്ങനെയാണെന്നും സാങ്കേതിവിദ്യയുടെ സഹായത്തോടെ വിദ്യാര്‍ത്ഥികള്‍ അവതരിപ്പിച്ചു. വര്‍ക്ക് ഷോപ്പിന് ലിറ്റില്‍ എന്‍ജിനീയര്‍ സ്ഥാപക റനാ ചെമൈറ്റെല്ലി, സി ഒ ഒ മുഹമ്മദ് അഹ്മദ് അലി അല്‍ജയ്യിദ് എന്നിവര്‍ നേതൃത്വം നല്‍കി.
ചടങ്ങില്‍ അലിഫ് ഗ്രൂപ്പ് ഓഫ് സ്‌കൂള്‍സ് എക്‌സിക്യൂട്ടീവ് ഡയറക്ടര്‍ ലുഖ്മാന്‍ അഹമ്മദ്, സീനിയര്‍ പ്രിന്‍സിപ്പല്‍ മുഹമ്മദ് മുസ്തഫ, പ്രിന്‍സിപ്പല്‍ അബ്ദുല്‍ മജീദ്, നൗഷാദ് നാലകത്ത്, ഹെഡ്മിസ്ട്രസ് ഫാത്തിമ ഖൈറുന്നിസ, അഡ്മിനിസ്‌ട്രേറ്റര്‍ അലി ബുഖാരി എന്നിവര്‍ സംബന്ധിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group