ദുബായ്- മഞ്ചേശ്വരത്തിന്റെ ജനകീയ എം.എൽ.എയും പ്രവാസി സമൂഹവുമായി എന്നും അടുത്ത ബന്ധം പുലർത്തുന്ന ജനപ്രതിനിധിയുമായ എ.കെ.എം. അഷ്റഫ് എം.എൽ.എക്ക് ദുബായ് കെ.എം.സി.സി മഞ്ചേശ്വരം മണ്ഡലം കമ്മിറ്റിയുടെ നേതൃത്വത്തിൽ സ്വീകരണം സംഘടിപ്പിക്കുന്നു.
വർഗീയ ഫാസിസ്റ്റ് ശക്തികൾക്ക് ശക്തമായ രാഷ്ട്രീയ മറുപടി നൽകി ചരിത്ര ഭൂരിപക്ഷത്തോടെ മഞ്ചേശ്വരത്ത് വീണ്ടും വിജയിച്ച ശേഷം ആദ്യമായി യു.എ.ഇയിലെത്തുന്ന എ.കെ.എം. അഷ്റഫിന് നൽകുന്ന സ്വീകരണം പ്രവാസി സമൂഹത്തിന്റെ വലിയ സ്നേഹത്തിന്റെയും പിന്തുണയുടെയും പ്രകടനമാകും.
സെപ്റ്റംബർ 19ന് ശനിയാഴ്ച രാത്രി 7 മണിക്ക് മംസാർ ഫോക്ലോർ തിയേറ്ററിൽ നടക്കുന്ന സ്വീകരണ സമ്മേളനത്തിൽ സാമൂഹിക, സാംസ്കാരിക, രാഷ്ട്രീയ രംഗങ്ങളിലെ പ്രമുഖർ, കെ.എം.സി.സി നേതാക്കൾ, ജനപ്രതിനിധികൾ, വിവിധ സംഘടനാ ഭാരവാഹികൾ, വ്യവസായ പ്രമുഖർ തുടങ്ങി നിരവധി പേർ പങ്കെടുക്കും.
നോർക്ക കെയർ പ്ലസ് ഇൻഷുറൻസ് സമയപരിധി കൂട്ടണം- റിയാദ് കെ.എം.സി.സി
മഞ്ചേശ്വരത്തിന്റെ വികസനത്തിനും ജനങ്ങളുടെ ക്ഷേമത്തിനും പ്രവാസികളുടെ പ്രശ്നങ്ങൾക്കുമൊപ്പം നിൽക്കുന്ന ജനപ്രതിനിധി എന്ന നിലയിൽ എ.കെ.എം. അഷ്റഫിന് ലഭിക്കുന്ന ഈ സ്വീകരണം രാഷ്ട്രീയത്തിനപ്പുറം നാടും പ്രവാസ ലോകവും തമ്മിലുള്ള ആത്മബന്ധത്തിന്റെ പ്രതിഫലനം കൂടിയാണ്.
തിരഞ്ഞെടുപ്പ് വിജയത്തിന് ശേഷം ആദ്യമായി ദുബായിലെത്തുന്ന ജനകീയ നേതാവിനെ നേരിൽ കാണാനും ആശംസകൾ അറിയിക്കാനും വിവിധ മേഖലകളിൽ നിന്നുള്ള വലിയ ജനപങ്കാളിത്തമാണ് സംഘാടകർ പ്രതീക്ഷിക്കുന്നത്. മഞ്ചേശ്വരത്തിന്റെ രാഷ്ട്രീയ- സാമൂഹിക ചരിത്രത്തിൽ ശ്രദ്ധേയമായ വിജയത്തിന് ശേഷം നടക്കുന്ന ഈ സ്വീകരണ സമ്മേളനം ദുബായിലെ മഞ്ചേശ്വരക്കാരുടെ സംഗമ വേദിയായും മാറും.
മഞ്ചേശ്വരത്തിന്റെ വികസന സ്വപ്നങ്ങൾക്കും ജനകീയ മുന്നേറ്റങ്ങൾക്കും പുതിയ ദിശ നൽകുന്ന ജനപ്രതിനിധിക്ക് പ്രവാസലോകത്തിന്റെ ആദരവും സ്നേഹവും സമർപ്പിക്കുന്ന ഈ പരിപാടിയിൽ മുഴുവൻ പേരും കുടുംബസമേതം പങ്കെടുത്ത് സ്വീകരണ സമ്മേളനം വിജയിപ്പിക്കണമെന്ന് ദുബായ് കെ.എം.സി.സി മഞ്ചേശ്വരം മണ്ഡലം കമ്മിറ്റി പ്രസിഡന്റ് ഇബ്രാഹിം ബെരികെ, ജനറൽ സെക്രട്ടറി സൈഫുദ്ദീൻ മൊഗ്രാൽ, ട്രഷറർ മൻസൂർ മർത്യാ എന്നിവർ അഭ്യർഥിച്ചു.