ഖത്തറിൽ ജൂൺ ഒന്ന് മുതൽ ഉച്ചസമയത്ത് പുറം ജോലികൾക്ക് വിലക്ക്

ദോഹ: ജൂൺ ഒന്ന് മുതൽ ഖത്തറിൽ ഉച്ചസമയത്ത് പുറം ജോലികൾക്ക് വിലക്കേർപ്പെടുത്തി. വേനൽക്കാലത്ത് തുറസ്സായ സ്ഥലങ്ങളിലെ ജോലി സമയം നിയന്ത്രിക്കുന്നതിനുള്ള തീരുമാനം നടപ്പാക്കുന്നതിന്റെ ഭാഗമായാണ് തൊഴിൽ മന്ത്രാലയത്തിന്റെ ഈ പ്രഖ്യാപനം.

2025 ജൂൺ 1 മുതൽ രാവിലെ 10 മുതൽ ഉച്ചകഴിഞ്ഞ് 3:30 വരെ തുറസ്സായ സ്ഥലങ്ങളിൽ ജോലി അനുവദിക്കില്ല. കൂടാതെ, ജോലിസ്ഥലങ്ങളിലെ ചൂട് സമ്മർദ്ദത്തെക്കുറിച്ചും അത് തടയുന്നതിനുള്ള മാർഗങ്ങളെക്കുറിച്ചും അവബോധം വളർത്തുന്നതിനായി തൊഴിൽ സുരക്ഷാ-ആരോഗ്യ വകുപ്പ് മെയ് മാസം മുഴുവൻ ഒരു ബോധവത്കരണ കാമ്പയിൻ നടത്തുമെന്നും മന്ത്രാലയം അറിയിച്ചു.