അഹമ്മദ് പാതിരപറ്റയുടെ ‘ദോഹയിൽ നടന്നുതീർത്ത വഴികൾ’ പ്രകാശനം ജൂൺ 4-ന്

​ദോഹ: മുതിർന്ന മാധ്യമപ്രവർത്തകനും ഇന്ത്യൻ മീഡിയ ഫോറം (ഐ എം എഫ് ) സ്ഥാപകാംഗവുമായ അഹമ്മദ് പാതിരപറ്റയുടെ പ്രവാസജീവിതാനുഭവങ്ങളുടെ അക്ഷരാവിഷ്ക്കാരം ‘ദോഹയിൽ നടന്നുതീർത്ത വഴികൾ’ പുസ്തകതിന്റെ ഖത്തർ പ്രകാശനം ജൂൺ 4-ന് വ്യാഴാഴ്ച്ച നടക്കും. വൈകുന്നേരം 7:30-ന് ഐ.സി.സി. മാഗ്ലൂർ ഹാളിൽ ഇന്ത്യൻ മീഡിയ ഫോറം സംഘടിപ്പിക്കുന്ന ചടങ്ങിലാണ് പ്രകാശന കർമ്മം നടക്കുക.
​ഇന്ത്യൻ എംബസി സെക്കൻഡ് സെക്രട്ടറി ബിന്ദു എൻ. നായർ പുസ്തകപ്രകാശനം നിർവ്വഹിക്കും. അൽജസീറ ഇംഗ്ലീഷ് ചാനൽ പ്രോഗ്രാം എഡിറ്റർ ജോസഫ് ജോൺ ആദ്യപ്രതി ഏറ്റുവാങ്ങും. ഐ.എം.എഫ്. പ്രസിഡന്റ് ഒ.കെ. പരുമല ചടങ്ങിൽ അധ്യക്ഷത വഹിക്കും. പ്രമുഖമാധ്യമ-സാംസ്കാരിക വ്യക്തിത്വങ്ങൾ ചടങ്ങിൽ സാന്നിധ്യം വഹിക്കും.