നബിദിനം, കുവൈത്തിൽ അടുത്ത മാസം 15ന് പൊതു അവധി പ്രഖ്യാപിച്ചു

കുവൈത്ത് സിറ്റി- പ്രവാചകൻ മുഹമ്മദ് നബിയുടെ ജന്മദിനത്തോടനുബന്ധിച്ച് സെപ്റ്റംബർ 15ന് (ഞായറാഴ്ച) കുവൈത്തിൽ എല്ലാ സർക്കാർ ഓഫീസുകൾക്കും അവധി പ്രഖ്യാപിച്ചു. പ്രധാനമന്ത്രി ഷെയ്ഖ് അഹമ്മദ് അൽ അബ്ദുല്ലയുടെ അധ്യക്ഷതയിൽ ചേർന്ന മന്ത്രിമാരുടെ പ്രതിവാര യോഗത്തിലാണ് തീരുമാനം. അവധി നൽകാൻ പാടില്ലാത്ത സ്ഥാപനങ്ങളിലെ ജീവനക്കാരുടെ അവധി മേലുദ്യോഗസ്ഥർ ക്രമീകരിക്കണമെന്നും ഉത്തരവിലുണ്ട്.