കുവൈത്ത് സിറ്റി – കുവൈത്തില് ചിലയിനം ഗതാഗത നിയമ ലംഘനങ്ങള്ക്കുള്ള തടവു ശിക്ഷക്ക് പകരം ബദല്ശിക്ഷകള് നടപ്പാക്കാനുള്ള തീരുമാനം പ്രാബല്യത്തില്. ഇതുമായി ബന്ധപ്പെട്ട് നേരത്തെ അംഗീകരിച്ച തീരുമാനം നടപ്പാക്കാന് ആഭ്യന്തര മന്ത്രി ഫഹദ് അല്യൂസുഫ് ഉത്തരവിട്ടു. മരങ്ങള് നടല്, മാലിന്യം നീക്കം ചെയ്യല്, ഖബര്സ്ഥാനുകള് ക്രമീകരിക്കല്. മയ്യിത്ത് സംസ്കാരവുമായി ബന്ധപ്പെട്ട കാര്യങ്ങള് കൈകാര്യം ചെയ്യല്, സഹായ വിതരണം, മസ്ജിദുകളിലും മറ്റും വിശുദ്ധ ഖുര്ആന് കോപ്പികള് ക്രമീകരിക്കല്, വൈദ്യുതി മീറ്റര് ഡാറ്റ രേഖപ്പെടുത്തല് (മീറ്റര് റീഡിംഗ്), ഫുട്പാത്തുകള് പെയിന്റ് ചെയ്യല്, സൈന്ബോര്ഡുള് ക്രമീകരിക്കല് എന്നിവയാണ് ചിലയിനം ഗതാഗത നിയമ ലംഘനങ്ങള്ക്കുള്ള തടവു ശിക്ഷക്ക് പകരം ബദല്ശിക്ഷകളായി നടപ്പാക്കുകയെന്ന് കുവൈത്ത് ആഭ്യന്തര മന്ത്രാലയം അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group