കുവൈത്ത് സിറ്റി – കുവൈത്തില്‍ അല്‍സാല്‍മിയ ഏരിയയിലെ മസ്ജിദില്‍ നിന്ന് പുതിയ ഷൂസ് മോഷ്ടിച്ച ഈജിപ്ഷ്യന്‍ യുവാവിനെ സുരക്ഷാ വകുപ്പുകള്‍ തിരിച്ചറിഞ്ഞ് അറസ്റ്റ് ചെയ്തു. തന്റെ പഴയ ഷൂസ് ഊരിവെച്ച് പാദരക്ഷാ സ്റ്റാന്‍ഡില്‍ നിന്ന് പുതിയ ഷൂസെടുത്ത് ധരിച്ച് യുവാവ് പള്ളിയില്‍ നിന്ന് പുറത്തിറങ്ങിപ്പോകുന്നതിന്റെ ദൃശ്യങ്ങള്‍ മസ്ജിദിലെ സി.സി.ടി.വി ചിത്രീകരിച്ചിരുന്നു.
ഈ വീഡിയോ സാമൂഹികമാധ്യമങ്ങളില്‍ പ്രചരിച്ചിരുന്നു. തുടര്‍ന്ന് വിശദമായ അന്വേഷണം നടത്തിയാണ് പ്രതിയെ സുരക്ഷാ വകുപ്പുകള്‍ തിരിച്ചറിഞ്ഞത്. പ്രതി ഷൂസ് മോഷ്ടിക്കുന്നതിന്റെ ദൃശ്യങ്ങളും അറസ്റ്റിലായ പ്രതിയുടെ ദൃശ്യങ്ങളും അടങ്ങിയ വീഡിയോ ആഭ്യന്തര മന്ത്രാലയം ട്വിറ്ററിലൂടെ പുറത്തുവിട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group