റിയാദ്– റമദാന് മാസത്തോടനുബന്ധിച്ച് ഗള്ഫ് മലയാളി ഫെഡറേഷന് (ജിഎംഎഫ്) മരുഭൂമിയില് ഇഫ്താര് സ്നേഹ സംഗമവും റമദാന് കിറ്റ് വിതരണവും സംഘടിപ്പിച്ചു. റിയാദ് നഗരത്തില് നിന്ന് ഏകദേശം 100 കിലോമീറ്റര് അകലെ മരുഭൂമിയില് ഇടയ സഹോദരന്മാര്ക്കായാണ് ഇഫ്താര് സംഗമം ഒരുക്കിയത്. ജിഎംഎഫ് കുടുംബാംഗങ്ങളും പരിപാടിയില് പങ്കെടുത്തു. ഓരോ അംഗങ്ങളും കൊണ്ടുവന്ന ഇഫ്താര് ഭക്ഷണ സാധനങ്ങള് സ്ത്രീകളും കുട്ടികളും ചേര്ന്ന് പാക്ക് ചെയ്ത് ഇടയ സഹോദരന്മാര്ക്ക് അവരുടെ താവളങ്ങളില് വിതരണം ചെയ്തു.ശേഷം ഒന്നിച്ച് ഇഫ്താര് നടത്തി. മരുഭൂമിയില് തന്നെ മഗ്രിബ് നമസ്കാരവും നടത്തി.
റമദാന് സ്നേഹ കിറ്റുകള് ജിഎംഎഫ് ചെയര്മാന് റാഫി പാങ്ങോട് വിതരണം ചെയ്തു. ഇടയ സഹോദരന്മാര് ഇന്ത്യന് സമൂഹത്തിന് നന്ദി അറിയിച്ചു. മരുഭൂമിയില് ഒറ്റപ്പെട്ട് താമസിക്കുന്ന തങ്ങളെ സമീപിച്ച് റമദാന് കാലത്ത് ഇത്തരത്തിലുള്ള സ്നേഹ സംഗമം സംഘടിപ്പിച്ചതില് ഏറെ സന്തോഷമുണ്ടെന്ന് അവര് പറഞ്ഞു.
പരിപാടി ഏകോപിപ്പിച്ചത് റിയാദ് സെന്ട്രല് കമ്മിറ്റി ട്രഷറര് സജീര് പെരുംകുളം ആയിരുന്നു. റിയാദ് സെന്ട്രല് കമ്മിറ്റി അംഗങ്ങളായ ടോം സി. മാത്യു, സുബൈര് കുമ്മിള്, ഷംസുദീന് (ബാപ്പുക്ക), നിഷാദ്, നസീര് കുന്നില്, ഷബീര്, നുസ്രത് അമ്മഞ്ചേരി, സജ്ന സജീര്, റംലത്തു ബീവി, ഹനിത്രി, നിസാം, ബിനോയ്, റിയാസ് പാലക്കാട്, നിസ കല്ലമ്പലം, റൂബി ടോം, ഷാനവാസ് വെമ്പിളി. സബീര്. എന്നിവരും പങ്കെടുത്തു.
റമദാനിലെ മുപ്പത് ദിവസങ്ങളിലും വിവിധ ഇടങ്ങളിലെ അര്ഹരായ ആളുകളിലേക്ക് നേരിട്ട് റമദാന് കിറ്റുകള് എത്തിക്കുന്ന പ്രവര്ത്തനങ്ങള് തുടരുന്നുവെന്ന് റാഫി പാങ്ങോട് അറിയിച്ചു.