മയക്കുമരുന്ന് കടത്ത്: ആറു പേർക്ക് വധശിക്ഷ നടപ്പാക്കി

നജ്‌റാൻ: മയക്കുമരുന്ന് കടത്ത് പ്രതികളായ നാലു സൗദി പൗരന്മാർക്കും രണ്ടു യെമനികൾക്കും ഇന്ന് നജ്‌റാനിൽ വധശിക്ഷ നടപ്പാക്കിയതായി ആഭ്യന്തര മന്ത്രാലയം അറിയിച്ചു.

ഹഷീഷും ലഹരി ഗുളികകളും സൗദിയിലേക്ക് കടത്തിയ യെമനി പൗരന്മാരായ അഹ്മദ് മുഹമ്മദ് അലി ആലുസലാമ, യഹ്‌യ സ്വാലിഹ് ഹുസൈൻ അൽവായിലി, സൗദി പൗരന്മാരായ ഹാദി ബിൻ സാലിം ബിൻ അലി അൽയാമി, സാലിം ബിൻ റുഖൈം ബിൻ സ്വാലിഹ് അൽയാമി, അലി ബിൻ ഹാദി ബിൻ സാലിം ആലുഖറാദ്, അബ്ദുല്ല ബിൻ അഹ്മദ് ബിൻ ഇബ്രാഹിം ശരീഅ എന്നിവർക്കാണ് വധശിക്ഷ നടപ്പാക്കിയത്.

കൊലക്കേസ് പ്രതിയായ സൗദി പൗരനും നജ്‌റാനിൽ ഇന്ന് വധശിക്ഷ നടപ്പാക്കി. സൗദി പൗരൻ ഖാലിദ് ബിൻ ഹമദ് ബിൻ മുഹമ്മദ് അൽനഹ്ദിയെ തർക്കത്തെ തുടർന്ന് കുത്തിക്കൊലപ്പെടുത്തിയ അലി ബിൻ അബ്ദുൽഹാദി ബിൻ അലി അൽസൈഅരിക്ക് ആണ് ശിക്ഷ നടപ്പാക്കിയതെന്ന് ആഭ്യന്തര മന്ത്രാലയം അറിയിച്ചു.