ചെമ്മരിയാടുകളുടെ രോമങ്ങളിൽ ഒളിപ്പിച്ച് കടത്തിയ മയക്കുമരുന്ന് ശേഖരം പിടികൂടി

ജിദ്ദ – ഉത്തര സൗദിയിലെ അൽഹദീസ അതിർത്തി പോസ്റ്റിലൂടെ ട്രെയിലറിൽ ഇറക്കുമതി ചെയ്ത ചെമ്മരിയാടുകളുടെ രോമങ്ങളിൽ ഒളിപ്പിച്ച കടത്താൻ ശ്രമിച്ച ലഹരി പിടികൂടി. 4,06,395 ലഹരി ഗുളികകളാണ് സകാത്ത്, ടാക്,സ് ആന്റ് കസ്റ്റംസ് അതോറിറ്റി പിടികൂടിയത്.

സുരക്ഷാ സാങ്കേതികവിദ്യയും പോലീസ് നായ്ക്കളെയും ഉപയോഗിച്ച് നടത്തിയ പരിശോധനയിലാണ് മയക്കമരുന്ന് ശേഖരം കണ്ടെത്തിയത്. ശേഷം കസ്റ്റംസ് അതോറിറ്റി ജനറൽ ഡയറക്ടറേറ്റ് ഓഫ് നാർകോട്ടിക്സ് കൺട്രോളുമായി ബന്ധപ്പെടുകയും ചെയ്തു. കടത്തിയ ലഹരി സൗദിയിൽ സ്വീകരിച്ച മൂന്നു പേരെ അറസ്റ്റ് ചെയ്തതായും സകാത്ത്, ടാക്‌സ് ആന്റ് കസ്റ്റംസ് അതോറിറ്റി അറിയിച്ചു.