മനാമ – സാമ്പത്തിക സുസ്ഥിരത വര്ധിപ്പിക്കാനും ദേശീയ സമ്പദ്വ്യവസ്ഥയുടെ കാര്യക്ഷമതയെ പിന്തുണക്കാനും ലക്ഷ്യമിട്ടുള്ള ഒരുകൂട്ടം നടപടികളുടെ ഭാഗമായി, പ്രാദേശിക കമ്പനികള്ക്ക് പുതിയ കോര്പ്പറേറ്റ് ആദായ നികുതി നിയമം അംഗീകരിച്ചതായി ബഹ്റൈന് പ്രഖ്യാപിച്ചു. ഫാക്ടറികള്ക്കുള്ള പ്രകൃതിവാതകത്തിന്റെ വില ഉയര്ത്തുന്നതും സര്ക്കാരിന്റെ ഭരണപരമായ ചെലവുകള് കുറക്കുന്നതും നടപടികളില് ഉള്പ്പെടുന്നു.
ചെലവ് കുറക്കാനും പൊതുവിഭവങ്ങളുടെ മാനേജ്മെന്റ് മെച്ചപ്പെടുത്താനുമാണ് ഇതിലൂടെ ലക്ഷ്യമിടുന്നത്. സാമ്പത്തിക സുസ്ഥിരത വര്ധിപ്പിക്കാന് ലക്ഷ്യമിട്ടുള്ള ധനനയങ്ങളുടെ ഭാഗമായി, ഇന്ധന വിലയും വൈദ്യുതി, ജല നിരക്കുകളും വര്ധിപ്പിക്കാനും ബഹ്റൈന് തീരുമാനിച്ചിട്ടുണ്ട്. പുതിയ സാമ്പത്തിക പരിഷ്കാരങ്ങള് ബഹ്റൈനില് സ്വദേശികളുടെയും വിദേശികളുടെയും ദൈനംദിന ജീവിതച്ചെലവ് ഉയര്ത്തും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group