ദുബായ്- യാത്രക്കാർക്ക് കൂടുതൽ ആഗോള സർവീസുകൾ ലഭ്യമാക്കുന്നതിനായി കരാർ ഒപ്പിട്ട് ഫ്ലൈ ദുബായിയും എയർ ഇന്ത്യയും. പുതിയ ഇന്റർലൈൻ പങ്കാളിത്ത കരാറിലൂടെ ഇരു വിമാനക്കമ്പനികളുടെയും യാത്രക്കാർക്ക് ഒരൊറ്റ ടിക്കറ്റിൽ ലഗേജുകൾ അവസാന ലക്ഷ്യസ്ഥാനത്തേക്ക് നേരിട്ട് ചെക്ക്- ഇൻ ചെയ്ത് യാത്ര ചെയ്യാനാകും.
എയർ ഇന്ത്യ യാത്രക്കാർക്ക് ദുബായ് വഴി 52 പുതിയ നഗരങ്ങളിലേക്ക് എളുപ്പത്തിൽ കണക്റ്റിവിറ്റി ലഭിക്കും. യൂറോപ്പിലെ 23 ഇടങ്ങൾ, മിഡിൽ ഈസ്റ്റിലെ 21 ഇടങ്ങൾ, ആഫ്രിക്കയിലെ 6 ഇടങ്ങൾ, സി.ഐ.എസ് രാജ്യങ്ങളിലെ 2 ഇടങ്ങൾ എന്നിവിടങ്ങളിലേക്ക് ഈസിയായി പറക്കാനാകും.
അന്താരാഷ്ട്ര കോടതിയുടെ അറസ്റ്റ് വാറണ്ട് നിലനിൽക്കെ അംഗ രാജ്യങ്ങൾക്ക് മുകളിലൂടെ പറന്ന് നെതന്യാഹു
ഫ്ലൈ ദുബായ് യാത്രക്കാർക്ക് ഡൽഹി, മുംബൈ വിമാനത്താവളങ്ങൾ വഴി എയർ ഇന്ത്യ സർവീസ് നടത്തുന്ന 69 ലക്ഷ്യസ്ഥാനങ്ങളിലേക്കും യാത്ര ചെയ്യാം. ബെംഗളൂരു, ചെന്നൈ, ചണ്ഡീഗഢ്, ഗോവ, ജയ്പൂർ, പൂനെ, വാരണാസി എന്നിവയ്ക്ക് പുറമെ എയർ ഇന്ത്യ സർവീസ് നടത്തുന്ന ബാലി, മെൽബൺ, സിഡ്നി, ടോക്കിയോ, സിംഗപ്പൂർ, സോൾ തുടങ്ങിയ അന്താരാഷ്ട്ര നഗരങ്ങളിലേക്കും ഇതിലൂടെ കണക്റ്റിവിറ്റി ലഭിക്കും.