ന്യൂയോർക്ക്- ഡാളസ് സ്റ്റേഡിയത്തിൽ നടന്ന ആവേശകരമായ ഫിഫ ലോകകപ്പ് റൗണ്ട് ഓഫ് 32 മത്സരത്തിൽ ഐവറി കോസ്റ്റിനെ ഒന്നിനെതിരെ രണ്ട് (2-1) ഗോളുകൾക്ക് പരാജയപ്പെടുത്തി നോർവെ പ്രീ-ക്വാർട്ടറിലേക്ക് യോഗ്യത നേടി. സൂപ്പർ താരം എർലിങ് ഹാലണ്ടിന്റെ അവസാന നിമിഷത്തെ ഗോളാണ് നോർവെയ്ക്ക് നാടകീയ വിജയം സമ്മാനിച്ചത്. പ്രീ-ക്വാർട്ടറിൽ കരുത്തരായ ബ്രസീൽ ആണ് നോർവെയുടെ എതിരാളികൾ.
മത്സരത്തിന്റെ ആദ്യ പകുതിയിൽ ഐവറി കോസ്റ്റ് മികച്ച മുന്നേറ്റങ്ങൾ നടത്തിയെങ്കിലും ലക്ഷ്യം കാണാനായില്ല. എന്നാൽ 39-ാം മിനിറ്റിൽ അന്റോണിയോ നൂസയിലൂടെ നോർവെയാണ് മത്സരത്തിൽ ആദ്യം മുന്നിലെത്തിയത്. ക്യാപ്റ്റൻ മാർട്ടിൻ ഒഡെഗാർഡിന്റെ അസിസ്റ്റിൽ നിന്നായിരുന്നു നൂസയുടെ മനോഹരമായ കർലിങ് ഗോൾ. ആദ്യ പകുതിയിൽ നോർവെ 1-0 ന് മുന്നിലായിരുന്നു.
രണ്ടാം പകുതിയിൽ പകരക്കാരനായി ഇറങ്ങിയ മാഞ്ചസ്റ്റർ യുണൈറ്റഡ് താരം അമദ് ഡിയാലോ 74-ാം മിനിറ്റിൽ ഐവറി കോസ്റ്റിന് സമനില സമ്മാനിച്ചു. നിക്കോളാസ് പെപ്പെയുമൊത്തുള്ള മികച്ചൊരു വൺ-ടു-വൺ മുന്നേറ്റത്തിനൊടുവിലാണ് ഡിയാലോ ഗോൾ കണ്ടെത്തിയത്.
മത്സരം സമനിലയിലേക്ക് നീങ്ങുമെന്ന് കരുതിയിരിക്കെ, 86-ാം മിനിറ്റിൽ പാട്രിക് ബെർഗിന്റെ പാസിൽ നിന്നും എർലിങ് ഹാലണ്ട് നോർവെയുടെ വിജയഗോൾ സ്വന്തമാക്കി. ചരിത്രത്തിലാദ്യമായി ലോകകപ്പിന്റെ നോക്കൗട്ട് സ്റ്റേജിലെത്തിയ ഐവറി കോസ്റ്റിന് കനത്ത പോരാട്ടത്തിനൊടുവിൽ ടൂർണമെന്റിൽ നിന്ന് മടങ്ങേണ്ടി വന്നു.