പൊന്നാനി: “ഉത്തരവാദിത്തം; മനുഷ്യപറ്റിൻ്റെ രാഷ്ട്രീയം” എന്ന പ്രമേയത്തിൽ ഡിസംബർ 27, 28, 29 തീയതികളിൽ തൃശ്ശൂരിൽ നടക്കുന്ന കേരള യുവജന സമ്മേളനത്തിന്റെ ഭാഗമായി പൊന്നാനി സോൺ കമ്മിറ്റി ‘യുവസ്പന്ദനം’ സംഘടിപ്പിച്ചു.
ജാഥ ക്യാപ്റ്റൻ അബ്ദുൽ കരീം സഅദി അയ്രൂരിന് കേരള മുസ്ലിം ജമാഅത്ത് സോൺ സെക്രട്ടറി സിദ്ധീഖ് അൻവരി പതാക കൈമാറി. നാലു സർക്കിളിലായി വിവിധ കേന്ദ്രങ്ങളിൽ അബ്ദുൽ കരീം സഅദി അയിരൂർ, സുബൈർ ബാഖവി കാഞ്ഞിരമുക്ക്, നിഷാബ് നാലകം, യഹ്‌യ സഖാഫി കറുകത്തിരുത്തി, ബാദുഷ ഫാളിലി പുതുപൊന്നാനി, സൈഫുദ്ധീൻ സഅദി വെളിയംകോട് എന്നിവർ സന്ദേശ പ്രഭാഷണം നടത്തി.
സമാപന സമ്മേളനത്തിൻ എസ്.വൈ.എസ് ഈസ്റ്റ് ജില്ല സെക്രട്ടറി സി.കെ.എം ഫാറൂഖ് പള്ളിക്കൽ ബസാർ പ്രമേയ പ്രഭാഷണം നടത്തി. സോൺ സെക്രട്ടറി കെ.വി സക്കീർ, ഉസ്മാൻ കാമിൽ സഖാഫി, ഷക്കീർ മഹ്ളരി, അനസ് അംജദി, ഹാരിസ് പുത്തൻ പള്ളി, ഹുസൈൻ അയ്രൂർ, ഹംസത്ത് അഴിക്കൽ, നൗഫൽ വെളിയങ്കോട്, കെ.എം സീതി, അബ്ദുൽ മജീദ് സഅദി, അലി സഅദി, അബൂബക്കർ എരമംഗലം എന്നിവർ പ്രസംഗിച്ചു.