മലപ്പുറം- മാധ്യമ പ്രവർത്തകകനും ഗവേഷകനുമായ മലപ്പുറം ഐ സമീൽ (49) നിര്യാതനായി. തായ്ലാന്റിലാന്റിൽ വിനോദയാത്രാ സംഘത്തോടൊപ്പം യാത്ര ചെയ്യുന്നതിനിടെ ഹൃദയാഘാതത്തെ തുടർന്നാണ് മരണം സംഭവിച്ചത്.
മലബാർ സമര ചരിത്രം സംബന്ധിച്ച് നിരവധി ഗവേഷണങ്ങൾ സമീൽ നടത്തിയിട്ടുണ്ട്. കേരള പത്രപ്രവർത്തക യൂണിയൻ അംഗമായ സമീൽ നേരത്തെ മലപ്പുറം പ്രസ് ക്ലബ് പ്രസിഡന്റായും പ്രവർത്തിച്ചിരുന്നു. ഗ്രീൻ ഒയാസിസ് ട്രാവൽസിന്റെ ടൂർ മാനേജറായാണ് തായ്ലന്റിലേക്ക് പോയത്. ഇന്ന് രാവിലെ ഹോട്ടലിൽനിന്ന് പുറത്തിയ സമയത്ത് ഹൃദയാഘാതം സംഭവിക്കുകയായിരുന്നു. ഗൾഫ് മാധ്യമത്തിന്റെ ഭാഗമായി നേരത്തെ സൗദി അറേബ്യയിലും സമീൽ മാധ്യമ പ്രവർത്തനം നടത്തിയിരുന്നു.
മലപ്പുറത്തെ റിട്ട. ലൈബ്രേറിയൻ ഐ മുഹമ്മദിന്റെയും ഇയ്യാത്തുട്ടിയുടെയും മകനാണ്. ഭാര്യ- ശിഫ കൊളക്കാട്ടിൽ. മക്കൾ : ഫാത്തിമ, ലംയ , ദയ,റുബ. മരുമകൻ: ഹാദിൽ. സഹോദരങ്ങൾ- മുഫീദ, ജാബിർ, നബീൽ, അൽ ജാമിഅ ശാന്തപുരം)ജരീർ (ഗ്രീൻ ഒയാസിസ്, മലപ്പുറം )