വാഷിംഗ്ടണ് – വൈറ്റ് ഹൗസിന് സമീപം, അത്താഴ വിരുന്നിനിടെ യു.എസ് പ്രസിഡന്റ് ഡൊണാള്ഡ് ട്രംപിനു നേരെയുണ്ടായ വധശ്രമത്തെ തുടര്ന്നുണ്ടായ അരാജകത്വത്തിനിടെ വനിതാ റിപ്പോര്ട്ടര് മദ്യക്കുപ്പികള് മോഷ്ടിച്ചത് വിവാദങ്ങള്ക്ക് തിരികൊളുത്തി. ഇതിന്റെ വീഡിയോ ഓണ്ലൈനില് പ്രചരിക്കുന്നുണ്ട്. ആശയക്കുഴപ്പത്തിനിടയില് റിപ്പോര്ട്ടര് വീഞ്ഞ് കുപ്പികള് ശേഖരിക്കുകയും ഒളിപ്പിക്കുകയും ചെയ്യുന്നത് വീഡിയോയില് കാണാം. ഇത് സോഷ്യല് മീഡിയയില് വിമര്ശനത്തിന് കാരണമായി.
കനത്ത സുരക്ഷാ സന്നാഹത്തിനിടയില് വെടിവെപ്പ് ശബ്ദം മുഴങ്ങിയത് പരിഭ്രാന്തി പരത്തുകയും ഏതാനും മാധ്യമപ്രവര്ത്തകര് മേശകള്ക്കടിയില് ഒളിക്കുകയും ചെയ്തു. ഈ സമയത്താണ് വനിതാ റിപ്പോര്ട്ടര് മദ്യക്കുപ്പികള് കവര്ന്നത്. റിപ്പോര്ട്ടറുടെ ഈ പെരുമാറ്റം വ്യാപകമായ എതിര്പ്പിന് കാരണമായി. എമര്ജന്സി സാഹചര്യങ്ങളില് ഇത്തരം പെരുമാറ്റം അനുചിതമാണെന്ന് നിരവധി പേര് അഭിപ്രായപ്പെടുകയും സംഭവത്തെ കുറിച്ച് അന്വേഷണം നടത്തണമെന്ന് ആവശ്യപ്പെടുകയും ചെയ്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group