ബാംഗ്ലൂര്‍–
ഇന്‍ഫോസിസ് സഹസ്ഥാപകന്‍ നാരായണ മൂര്‍ത്തിയുടെ 18 മാസം മാത്രം പ്രായമുള്ള കൊച്ചുമകന്‍ ഏകാഗ്ര റോഹന്‍ മൂര്‍ത്തിക്ക് കമ്പനി ഓഹരികളില്‍ നിന്ന് ലാഭവിഹിതമായി ലഭിച്ചത് 6.5 കോടി രൂപ. ടൈംസ് ഓഫ് ഇന്ത്യയാണ് ഇക്കാര്യം റിപ്പോര്‍ട്ട് ചെയ്തത്.
ഏകാഗ്രയ്ക്ക് നാല് മാസം പ്രായമുള്ളപ്പോള്‍ 240 കോടി വിലമതിക്കുന്ന ഓഹരികള്‍ നാരായണ മൂര്‍ത്തിസമ്മാനിച്ചത് വാര്‍ത്തകളില്‍ ഇടം നേടിയിരുന്നു. ഓഹരിയൊന്നിന് 43 രൂപ എന്ന തോതിലായിരുന്നു ഇന്‍ഫോസിസിന്റെ ഏറ്റവും പുതിയ ലാഭവിഹിതം. ഇത് മൊത്തം 54.2 കോടി ഓഹരികള്‍ കൈവശം വെച്ചിരിക്കുന്ന ഓഹരിയുടമകള്‍ക്കായി 2,330 കോടി രൂപയാണ് ലാഭവിഹിതമായി വിതരണം ചെയ്തത്. കമ്പനി ചെയര്‍മാന്‍ നന്ദന്‍ നിലേകനിക്ക് അദ്ദേഹത്തിന്റെ 4 കോടി ഓഹരികളില്‍ നിന്ന് ലാഭവിഹിതമായി 175 കോടി ലഭിച്ചപ്പോള്‍ സഹസ്ഥാപകന്‍ നാരായണ മൂര്‍ത്തിക്ക് 65 കോടി ലഭിച്ചു. 1.5 കോടി ഓഹരികളില്‍ നിന്നാണിത്.
3.2 കോടി ഓഹരികളുള്ള ക്രിസ് ഗോപാലകൃഷ്ണന് 137 കോടി രൂപ ലാഭവിഹിതവും കമ്പനിയിലെ ഏറ്റവും വലിയ വ്യക്തിഗത ഓഹരി ഉടമയായ സുധ ഗോപാലകൃഷ്ണന് 410 കോടി രൂപയും ലഭിച്ചു. 9.5 കോടി ഓഹരിയാണ് സുധയുടേതായി ഉള്ളത്. ഇവരെക്കൂടാതെ നാരായണ മൂര്‍ത്തിയുടേയും സുധമൂര്‍ത്തിയുടേയും മക്കള്‍ക്കും ഗണ്യമായ ലാഭവിഹിതമുണ്ട്. റോഹന്‍ മൂര്‍ത്തിക്ക് അദ്ദേഹത്തിന്റെ ആറ് കോടി ഓഹരികളില്‍ നിന്ന് 261.5 കോടി രൂപ കിട്ടിയപ്പോള്‍ മുന്‍ ബ്രിട്ടീഷ് പ്രധാനമന്ത്രി ഋഷി സുനകിന്റെ ഭാര്യ അക്ഷത മൂര്‍ത്തിക്ക് 167 കോടിയാണ് ലഭിച്ചത്. അവരുടെ ഓഹരിയാവട്ടെ 3.8 കോടിയ