അബൂദാബി– കൊച്ചിയിൽ നിന്ന് അബൂദാബിയിലേക്ക് പോയ ഇൻഡിഗോ വിമാനം സാങ്കേതിക തകരാറിനെ തുടർന്ന് തിരിച്ചിറക്കിയതായി അധികൃതർ. വാർത്താ ഏജൻസിയായ പിടിഐയാണ് ഇക്കാര്യം റിപ്പോർട്ട്‌ ചെയ്തത്.
വെള്ളിയാഴ്ച രാത്രി 11.10ന് കൊച്ചിയിൽ നിന്ന് പുറപ്പെട്ട 6E-1403 (COK-AUH) വിമാനമാണ് ശനിയാഴ്ച പുലർച്ചെ 1.44 ഓടെ കൊച്ചിയിൽ തന്നെ തിരിച്ചിറക്കിയത്. രണ്ട് മണിക്കൂറോളം പറന്ന ശേഷമാണ് വിമാനം തിരിച്ചിറക്കിയതെന്നാണ് വിവരങ്ങൾ.
ഈ സമയത്ത് വിമാനത്തിൽ 180ലധികം യാത്രക്കാരും ആറ് ജീവനക്കാരും ഉണ്ടായിരുന്നു. പിന്നീട് പുലർച്ചെ മൂന്നരയോടെ മറ്റൊരു വിമാനത്തിൽ യാത്രക്കാരെ അബൂദാബിയിലേക്ക് കൊണ്ടുപോവുകയായിരുന്നു. രണ്ടാമത്തെ വിമാനത്തിൽ പുതിയ സംഘം ജീവനക്കാരെയാണ് ഉൾപ്പെടുത്തിയതെന്നും എന്നാൽ ഈ സംഭവത്തിൽ ഇൻഡിഗോ എയർലൈൻസ് ഇതുവരെ പ്രതികരിച്ചിട്ടില്ലെന്നും പിടിഐ വിശദീകരിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group