ജിദ്ദ – സൗദിയില് ജോലി ചെയ്യുന്ന പ്രവാസികള് ഏപ്രില് മാസത്തില് ബാങ്കുകളും മണിഎക്സ്ചേഞ്ചുകളും അടക്കമുള്ള നിയമാനുസൃത ധനകാര്യ സ്ഥാപനങ്ങള് വഴി 1,465 കോടി റിയാല് സ്വദേശങ്ങളിലേക്ക് അയച്ചതായി സൗദി സെന്ട്രല് ബാങ്ക് കണക്കുകള് വ്യക്തമാക്കുന്നു. 2025 ഏപ്രില് മാസത്തെ അപേക്ഷിച്ച് ഇക്കഴിഞ്ഞ ഏപ്രില് മാസത്തില് സൗദി പ്രവാസികള് അയച്ച പണത്തില് 16 ശതമാനം വര്ധന രേഖപ്പെടുത്തി. എന്നാല് 2026 മാര്ച്ചിനെ അപേക്ഷിച്ച് കഴിഞ്ഞ ഏപ്രിലില് വിദേശികളുടെ പണമയക്കല് 13 ശതമാനം കുറഞ്ഞു. മാര്ച്ച് മാസത്തെ അപേക്ഷിച്ച് ഏപ്രിലില് വിദേശികള് അയച്ച പണത്തില് 230 കോടി റിയാലിന്റെ കുറവാണുണ്ടായത്. വ്യക്തിപരമായ ആവശ്യങ്ങള്ക്ക് ഏപ്രില് മാസത്തില് സൗദികള് 550 കോടി റിയാല് വിദേശങ്ങളിലേക്ക് അയച്ചു. കഴിഞ്ഞ വര്ഷം ഏപ്രില് മാസത്തെ അപേക്ഷിച്ച് ഇക്കഴിഞ്ഞ ഏപ്രിലില് സ്വദേശികള് വിദേശങ്ങളിലേക്ക് അയച്ച പണം ഒരു ശതമാനം തോതില് കുറഞ്ഞതായും സെന്ട്രല് ബാങ്ക് ഡാറ്റ വ്യക്തമാക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group