ചെന്നൈ: അരനൂറ്റാണ്ടുകാലത്തെ ദ്രാവിഡ രാഷ്ട്രീയ ചരിത്രം മാറ്റിക്കുറിക്കാൻ വിജയിന്റെ തമിഴക വെട്രി കഴകം (ടി.വി.കെ) ഒരുങ്ങുന്നുവോ? തമിഴ്‌നാട് നിയമസഭാ തിരഞ്ഞെടുപ്പിന്റെ ഫലസൂചനകൾ പുറത്തുവരുമ്പോൾ ഭരണകക്ഷിയായ ഡി.എം.കെയെയും പ്രതിപക്ഷമായ എ.ഐ.എ.ഡി.എം.കെയെയും ഒരുപോലെ ഞെട്ടിച്ചുകൊണ്ട് വിജയ് മുന്നേറ്റം തുടരുകയാണ്.
ഡി.എം.കെ, എ.ഐ.എ.ഡി.എം.കെ എന്നീ രണ്ട് രാഷ്ട്രീയ ധ്രുവങ്ങളിൽ മാത്രം കറങ്ങിയിരുന്ന തമിഴ്‌നാട് രാഷ്ട്രീയം ഇപ്പോൾ ഒരു ത്രികോണ മത്സരത്തിന്റെ ചൂടിലാണ്. ഡി.എം.കെയ്‌ക്ക് മേൽക്കൈ പ്രവചിച്ച എക്സിറ്റ് പോളുകൾ പോലും ടി.വി.കെ സൃഷ്ടിച്ച ആഘാതം ചെറുതല്ലെന്ന് അടിവരയിടുന്നു. ആക്സിസ് മൈ ഇന്ത്യയുടെ പ്രവചനങ്ങൾ സൂചിപ്പിക്കുന്നത് വിജയിന്റെ പാർട്ടി 100 സീറ്റുകൾ വരെ നേടിയേക്കാമെന്നാണ്. അങ്ങനെയെങ്കിൽ, ഭൂരിപക്ഷത്തിന് ആവശ്യമായ 118 തികയ്ക്കാൻ പ്രധാന കക്ഷികൾ ടി.വി.കെയെ ആശ്രയിക്കേണ്ടി വരും
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group