ഡൽഹിയിൽ ജഡ്ജിയെ വീടിനുള്ളിൽ മരിച്ച നിലയിൽ കണ്ടെത്തി​

ന്യൂഡൽഹി– തെക്കൻ ഡൽഹിയിലെ സഫ്ദർജംഗ് ഏരിയയിൽ 35 വയസ്സുകാരനായ ജഡ്ജിയെ വീടിനുള്ളിൽ മരിച്ച നിലയിൽ കണ്ടെത്തി. അമൻ കുമാർ ശർമ്മ എന്ന ജഡ്ജിയെയാണ് അദ്ദേഹത്തിന്റെ വസതിയിലെ ശുചിമുറിക്കുള്ളിൽ മരിച്ച നിലയിൽ കണ്ടെത്തിയത്. പ്രാഥമിക നിഗമനമനുസരിച്ച് ഇത് ആത്മഹത്യയാണെന്ന് പോലീസ് സംശയിക്കുന്നു.
​
ശനിയാഴ്ച ഉച്ചയോടെയാണ് സംഭവം പുറംലോകമറിഞ്ഞത്. ഉച്ചയ്ക്ക് 1.45-ഓടെയാണ് പോലീസിന് വിവരം ലഭിക്കുന്നത്. ജഡ്ജിയുടെ കുടുംബാംഗങ്ങളിൽ ഒരാളാണ് വിവരം പോലീസിനെ അറിയിച്ചത്. ഉടൻ തന്നെ സ്ഥലത്തെത്തിയ പോലീസ് സംഘം പരിശോധനകൾ നടത്തി.
​സംഭവസ്ഥലത്തുനിന്നും ആത്മഹത്യാ കുറിപ്പുകളൊന്നും ലഭിച്ചതായി ഇതുവരെ സ്ഥിരീകരണമില്ല. മരണകാരണം വ്യക്തമല്ലെന്നും മൃതദേഹം പോസ്റ്റ്‌മോർട്ടത്തിനായി മാറ്റിയതായും പോലീസ് അറിയിച്ചു. സംഭവത്തിൽ പോലീസ് കേസെടുത്ത് വിശദമായ അന്വേഷണം ആരംഭിച്ചിട്ടുണ്ട്. വ്യക്തിപരമായ പ്രശ്നങ്ങളാണോ അതോ ഔദ്യോഗിക സമ്മർദ്ദമാണോ ഇത്തരം ഒരു നടപടിയിലേക്ക് നയിച്ചതെന്ന് പോലീസ് പരിശോധിച്ചു വരികയാണ്.