റിയാദ് – ഒ ഐ സി സി റിയാദ് മലപ്പുറം ജില്ലാ കമ്മറ്റിക്ക് കീഴിലുള്ള തിരൂരങ്ങാടി മണ്ഡലം കമ്മറ്റി സംഘടിപ്പിച്ച ‘കാളിംഗ് ബൂത്ത്’ ശ്രദ്ധേയമായി. അതിരാവിലെ അഞ്ചു മണിയോടെ പ്രവര്‍ത്തകരും നേതാക്കളും കോണ്‍ഗ്രസ് ആസ്ഥാനമായ സബര്‍മതിയിലെത്തി മണ്ഡലത്തിലെ വോട്ടര്‍മാരെ വിളിച്ചു ഐക്യജനാധിപത്യ മുന്നണിക്ക് വോട്ടഭ്യര്‍ത്ഥിച്ചു. നാട്ടില്‍ പോളിംഗ് ബൂത്ത് പ്രവര്‍ത്തനം ആരംഭിക്കുന്നതിന് മുമ്പ് തന്നെ സൗദിയില്‍ ഒ ഐ സി സി യുടെ കാളിംഗ് ബൂത്ത് തുറന്ന് വോട്ടര്‍മാരെ വിളിച്ചു തുടങ്ങി. ഒ ഐ സി സി മലപ്പുറം ജില്ല പ്രസിഡന്റ് സിദ്ദീഖ് കല്ലുപറമ്പന്‍ ആദ്യ കാള്‍ വിളിച്ച് ക്യാമ്പയിന്‍ ഉദ്ഘാടനം ചെയ്തു. തുടര്‍ന്ന് ഓരോ മണ്ഡലം ഭാരവാഹികളും നേരത്തെ നല്‍കി ലിസ്റ്റ് അനുസരിച്ച് വോട്ടര്‍മാരെ വിളിച്ചു വോട്ട് ഉറപ്പിച്ചു. വോട്ട് ചെയ്യാന്‍ വാഹനവും മറ്റ് സഹായവും ആവശ്യപ്പെട്ടവര്‍ക്ക് നാട്ടിലെ പ്രവര്‍ത്തകരുമായി ബന്ധപ്പെടുത്തി പ്രത്യേകം സംവിധാനം ഒരുക്കി. ഒഐസിസി തിരുരങ്ങാടി മണ്ഡലം പ്രസിഡണ്ട് ഇസ്മായില്‍ ടി ടി അധ്യക്ഷനായ ചടങ്ങില്‍ സെന്‍ട്രല്‍ കമ്മറ്റി ജനറല്‍ സെക്രട്ടറി സുരേഷ് ശങ്കര്‍ മുഖ്യ അതിഥിയായി പങ്കെടുത്തു. സലീം വാഴക്കാട്, മണ്ഡലം നേതാക്കളായ ഇസ്മായില്‍ പുത്തന്‍ പീടിയേക്കല്‍, ശംസുദ്ദീന്‍ വി പി, റസാക് കുരിക്കള്‍, അന്‍സാര്‍ കുരിക്കള്‍ എന്നിവരുള്‍പ്പെടെ റിയാദിലെ മുതിര്‍ന്ന യു ഡി എഫ് നേതാക്കളും പ്രവര്‍ത്തകരും പങ്കെടുത്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group