വാഷിംഗ്ടൺ – ഇറാൻ ആണവായുധങ്ങൾ സ്വന്തമാക്കുന്നത് തടയൽ എണ്ണ ലാഭത്തേക്കാൾ തനിക്ക് പ്രധാനമാണെന്ന് യു.എസ് പ്രസിഡന്റ് ഡൊണാൾഡ് ട്രംപ് പറഞ്ഞു. ലോകത്തിലെ ഏറ്റവും വലിയ എണ്ണ ഉൽപ്പാദക രാജ്യമാണ് അമേരിക്ക. അതിനാൽ എണ്ണ വില ഉയരുമ്പോൾ നമുക്ക് ധാരാളം പണം സമ്പാദിക്കാൻ കഴിയും. എന്നാൽ പ്രസിഡന്റ് എന്ന നിലയിൽ എനിക്ക് ഏറ്റവും പ്രധാനപ്പെട്ടതും ഏറ്റവും താൽപ്പര്യമുള്ളതുമായ കാര്യം ദുഷ്ട സാമ്രാജ്യമായ ഇറാൻ ആണവായുധങ്ങൾ സ്വന്തമാക്കുന്നതും മിഡിൽ ഈസ്റ്റിനെയും മുഴുവൻ ലോകത്തെയും നശിപ്പിക്കുന്നതും തടയുക എന്നതാണ്. അത് ഒരിക്കലും സംഭവിക്കാൻ അനുവദിക്കില്ലെന്ന് ട്രംപ് പറഞ്ഞു.
മിഡിൽ ഈസ്റ്റിലെ സൈനിക സംഘർഷവും ഗൾഫിലെ കപ്പൽ ഗതാഗതത്തിനെതിരായ ഇറാൻ ആക്രമണങ്ങളും കാരണം ആഗോള എണ്ണ വിതരണത്തിൽ തടസ്സമുണ്ടാകാനുള്ള സാധ്യത വർധിച്ചുകൊണ്ടിരിക്കെ, ഇന്ന് ആഗോള വിപണിയിൽ തുടർച്ചയായ മൂന്നാം സെഷനിലും അസംസ്കൃത എണ്ണ വില ഉയർന്ന സാഹചര്യത്തിലാണ് ട്രംപിന്റെ പരാമർശം.