വാഷിംഗ്ടണ് – ഇറാന് പരമോന്നത നേതാവ് അലി ഖാംനഇയുടെ അതേനയങ്ങള് തുടരുന്ന പുതിയ ഇറാന് നേതാവിനെ താന് അംഗീകരിക്കില്ലെന്ന് യു.എസ് പ്രസിഡന്റ് ഡൊണാള്ഡ് ട്രംപ്. ഖാംനഇയുടെ നയങ്ങള് തുടരുന്നത് അഞ്ച് വര്ഷത്തിനുള്ളില് ഞങ്ങളെ വീണ്ടും യുദ്ധത്തിലേക്ക് തള്ളിവിടും. ഖാംനഇയുടെ മകന് ദുര്ബല വ്യക്തിയായതിനാല് അവര് സമയം പാഴാക്കുകയാണ്. ഖാംനഇയുടെ മകന് തനിക്ക് അസ്വീകാര്യനാണ്. ഇറാനില് സമാധാനവും ഐക്യവും കൊണ്ടുവരുന്ന ഒരാളെ ഞങ്ങള് ആഗ്രഹിക്കുന്നു – ട്രംപ് പറഞ്ഞു.
സംഭവിക്കുന്ന കാര്യങ്ങളുമായി യാതൊരു ബന്ധവുമില്ലാത്ത രാജ്യങ്ങളെ ഇറാന് ആക്രമിക്കുന്നു. സിവിലിയന് പ്രദേശങ്ങള് മാത്രം ലക്ഷ്യമിടുന്നു. ഇറാന് ഇനി വ്യോമ പ്രതിരോധ, കണ്ടെത്തല് സൗകര്യങ്ങളില്ല. ഇറാനിലെ പുതിയ നേതൃത്വത്തിനെതിരെ ഇന്ന് മറ്റൊരു ആക്രമണം ഉണ്ടായി. ഇറാനിലെ നിരവധി ആളുകള് സംരക്ഷണം ആവശ്യപ്പെടുന്നു. മറ്റെന്തിനേക്കാളും മുമ്പ് നമ്മള് ഇറാന് സൈന്യത്തെ നശിപ്പിക്കണം – ട്രംപ് പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group