ലക്നോ: വോട്ടിംഗ് യന്ത്രത്തിൽ തിരിമറി നടക്കാതെ രാജ്യത്ത് നീതിപൂര്ണമായ തെരഞ്ഞെടുപ്പ് നടക്കുകയാണെങ്കില് ബി.ജെ.പിക്ക് 180 സീറ്റില് അധികം നേടാന് കഴിയില്ലെന്ന് എ.ഐ.സി.സി ജനറല് സെക്രട്ടറി പ്രിയങ്ക ഗാന്ധി.
400 സീറ്റില് അധികം നേടുമെന്ന ബി.ജെ.പിയുടെ അവകാശവാദത്തെ പ്രിയങ്ക ചോദ്യംചെയ്തു. എന്തിന്റെ അടിസ്ഥാനത്തിലാണ് 400-ല് അധികം സീറ്റ് നേടുമെന്ന് അവര് പറയുന്നത്? അവര് ജോത്സ്യന്മാരാണോ എന്നും പ്രിയങ്ക ചോദിച്ചു.
ഒന്നുകില് അവര് നേരത്തെതന്നെ എന്തെങ്കിലും ചെയ്തിട്ടുണ്ടാകണം. അതുകൊണ്ടാകാം നാനൂറില് അധികം സീറ്റ് നേടുമെന്ന് പറയുന്നത്. അല്ലാത്തപക്ഷം, എങ്ങനെയാണ് നാനൂറ് സീറ്റ് നേടുമെന്ന് അവര്ക്ക് പറയാന് കഴിയുകയെന്നും പ്രിയങ്ക ചോദിച്ചു.
ക്രമക്കേട് നടന്നില്ലെങ്കിൽ 180-ല് കുറവ് സീറ്റുകളേ അവര്ക്ക് നേടാനാകൂവെന്നും പ്രിയങ്ക കൂട്ടിച്ചേർത്തു.