മസ്‌കത്ത്– ഓമനിലുണ്ടായ വാഹനാപകടത്തിൽ എട്ട് പേർക്ക് ദാരുണാന്ത്യം. ഒമാനില്‍ അല്‍ വുസ്ത ഗവര്‍ണറേറ്റിലെ ദുകം വിലായത്തിലാണ് അപകടമുണ്ടായത്. സംഭവത്തിൽ രണ്ട് പേര്‍ക്ക് ഗുരുതരമായി പരുക്കേറ്റു. ആരോഗ്യ മന്ത്രാലയം പ്രസ്താവനയിലൂടെയാണ് ഇക്കാര്യം അറിയിച്ചത്.
മന്ത്രാലയത്തിലെ എമര്‍ജന്‍സി ടീം സംഭവ സ്ഥലത്തെത്തി മൃതദേഹം നീക്കം ചെയ്തു. പരുക്കേറ്റവരെ ആശുപത്രിയിലേക്ക് മാറ്റി. അപകടത്തിന്റെ കൂടുതല്‍ വിവരങ്ങളോ അപകടത്തില്‍ പെട്ടവരെ കുറിച്ചോ അധികൃതര്‍ വ്യക്തമാക്കിയിട്ടില്ല. മരണപ്പെട്ടവരുടെ കുടുംബത്തിന്റെ ദുഃഖത്തിന്റെ പങ്കുചേരുന്നതായും പരുക്കേറ്റവര്‍ക്ക് എളുപ്പത്തില്‍ സുഖം പ്രാപിക്കട്ടെയെന്നും ആരോഗ്യ മന്ത്രാലയം അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group