കോതമംഗലം – മക്ക കെ.എം.സി.സി. നേതാവ് കോതമംഗലം ഊന്നുകൽ തേങ്കോട് കാലപറമ്പിൽ അബ്ദുൽ കരീം മൗലവി(61) ഹൃദയാഘാതത്തെ തുടർന്ന് നിര്യാതനായി. ഇന്ന് വൈകിട്ട് 7 മണിയോടെ കോതമംഗലത്തെ സ്വകാര്യ ആശുപത്രിയിൽ വെച്ചായിരുന്നു മരണം. ഖബറടക്കം ഞായറാഴ്ച ഉച്ചയ്ക്ക് ഒരു മണിക്ക് തേങ്കോട് ജുമാ മസ്ജിദ് ഖബർസ്ഥാനിൽ.
മൂന്ന് പതിറ്റാണ്ടിലേറെ കാലം മക്ക കെ.എം.സി.സി.യുടെ ജീവകാരുണ്യ സാമൂഹിക രംഗത്തെ നിറസാന്നിദ്ധ്യമായിരുന്ന കരീം മൗലവി മൂന്നാഴ്ച മുമ്പാണ് പ്രവാസം അവസാനിപ്പിച്ച് നാട്ടിലെത്തിയത്. ഏറെകാലം ജിദ്ദ എറണാകുളം ജില്ല കെ.എം.സി.സി.യുടെ ചെയർമാനായി സേവനമനുഷ്ഠിച്ച ഇദ്ദേഹം ഹജ്ജ് സേവന രംഗത്തെ കർമ്മ ഭടനുമായിരുന്നു. പൈമറ്റം പുതിയിടത്ത് കുടുംബാംഗം ഫാത്തിമയാണ് ഭാര്യ.
മക്കൾ. ഷഹർബാൻ, ഷഹാന (യു.കെ), മുഹമ്മദ് ഷാൻ (ജിദ്ദ) മരുമക്കൾ. അബ്ദുൽ കബീർ പല്ലാരിമംഗലം, ഖാൻ മുഹമ്മദ് പൈമറ്റം (യു.കെ), അൽസ്വാഫി പുതുപ്പാടി