റാസൽഖൈമ – വാദി എസ്‌ഫയിൽ പാചകവാതക സിലിണ്ടർ പൊട്ടിത്തെറിച്ച് വീട്ടുജോലിക്കാരിക്ക് ഗുരുതരമായി പൊള്ളലേറ്റു. 40 വയസ്സ് പ്രായമുള്ള ഏഷ്യൻ സ്വദേശിയായ വീട്ടുജോലിക്കാരിക്കാണ് പരിക്കേറ്റത്. കഴിഞ്ഞാഴ്ചയാണ് അപകടമുണ്ടായത്. സ്ഫോടനത്തിൽ വീടിന് സാരമായ കേടുപാടുകൾ സംഭവിച്ചു. യുവതിയുടെ ശരീരത്തിന്റെ ഭൂരിഭാഗവും പൊള്ളലേറ്റിട്ടുണ്ട്. ഗുരുതരാവസ്ഥയിൽ തീവ്രപരിചരണ വിഭാഗത്തിൽ ചികിത്സയിലാണ് ഇവർ. ശസ്ത്രക്രിയകൾ ആവശ്യമുണ്ടെന്നാണ് റിപ്പോർട്ട്.
ഫുജൈറ ആശുപത്രിയിൽ പ്രവേശിപ്പിച്ച ഇവരെ പരുക്കുകളുടെ ഗുരുതരാവസ്ഥ യെ തുടർന്ന് ഷെയ്ഖ് ഖലീഫ സ്പെഷാലിറ്റി ആശുപത്രിയിലേക്ക് മാറ്റുകയായിരുന്നു. കുടുംബാംഗങ്ങൾ മറ്റൊരു വീട്ടിലേക്ക് മാറിയത് കാരണം വലിയൊരു ദുരന്തമാണ് ഒഴിവായതെന്ന് അപകടം നടന്ന വീട്ടിലെ താമസക്കാരൻ പറഞ്ഞു. എലി കരണ്ട് ഗ്യാസ് സിലിണ്ടറിന്റെ ട്യൂബിലുണ്ടായ ചോർച്ചയാണ് സ്ഫോടനത്തിന് കാരണമെന്ന് അന്വേഷണത്തിൽ കണ്ടെത്തി.