ബുറൈദ: അൽ ഖസീം പ്രവിശ്യയിൽ ലഹരിമരുന്ന് വിതരണം നടത്തിയിരുന്ന മൂന്ന് സൗദി യുവാക്കളടങ്ങിയ സംഘത്തെ രഹസ്യ നിരീക്ഷണത്തിലൂടെ കണ്ടെത്തി റെയ്ഡ് നടത്തി അറസ്റ്റ് ചെയ്തതിന്റെ വിഡിയോ ദൃശ്യങ്ങൾ സൗദി ആഭ്യന്തര മന്ത്രാലയം പുറത്തുവിട്ടു. സുരക്ഷാ വകുപ്പുകൾ ഡ്രോൺ ഉൾപ്പെടെയുള്ള സാങ്കേതികവിദ്യകൾ ഉപയോഗിച്ചാണ് സംഘത്തെ നിരീക്ഷിക്കുകയും പിന്തുടരുകയും ചെയ്തത്.
റെയ്ഡിനിടെ 26 കിലോഗ്രാം ഹഷീഷും ലഹരി ഗുളികകളും പിടിച്ചെടുത്തു. പ്രതികൾക്കെതിരെ നിയമനടപടികൾ ആരംഭിച്ചതായും അന്വേഷണം പൂർത്തിയാക്കി പബ്ലിക് പ്രോസിക്യൂഷന് കൈമാറുന്നതിന് മുന്നോടിയായി നിയമാനുസൃത നടപടികൾ തുടരുകയാണെന്നും ജനറൽ ഡയറക്ടറേറ്റ് ഓഫ് നാർകോട്ടിക്സ് കൺട്രോൾ വ്യക്തമാക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group