തമിഴ് നടൻ ഡാനിയൽ ബാലാജി നിര്യാതനായി

ചെന്നൈ- തമിഴ് നടൻ ഡാനിയൽ ബാലാജി(48) ഹൃദയാഘാതത്തെ തുടർന്ന് അന്തരിച്ചു. വെള്ളിയാഴ്ച രാത്രിയായിരുന്നു മരണം. നെഞ്ചുവേദന അനുഭവപ്പെട്ടതോടെ കൊട്ടിവാകത്തെ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. തമിഴ് സിനിമാ ലോകത്തേയും ആരാധകരേയും ഞെട്ടിച്ചാണ് ഡാനിയൽ ബാലാജിയുടെ മരണ വാർത്ത എത്തുന്നത്. ടെലിവിഷനിലൂടെയാണ് ബാലാജി ബിഗ് സ്‌ക്രീനിലേക്ക് എത്തുന്നത്. റിലീസ് ചെയ്തിട്ടില്ലാത്ത കമൽഹാസന്റെ ഹിസ്റ്റോറിക്കൽ ഡ്രാമ മരുതനായകത്തിന്റെ പ്രൊഡക്ഷൻ മാനേജറായിട്ടായിരുന്നു ഡാനിയൽ ബാലാജിയുടെ സിനിമാ രംഗത്തേക്കുള്ള വരവ്. 2006ൽ പുറത്തിറങ്ങിയ വേട്ടയാട് വിളയാടിൽ ശ്രദ്ധേയമായ വേഷം ലഭിച്ചു.