ജിദ്ദ- മതപ്രബോധന രംഗത്ത് പുതിയ കാൽവെപ്പുമായി നൂതന സാങ്കേതികവിദ്യയുടെ അകമ്പടിയോടെ ജിദ്ദ ഇന്ത്യൻ ഇസ്ലാഹി സെന്റർ 2024 മെയ്‌ 3,4 തിയതികളിൽ എക്സിബിഷൻ (ഫാമിലി എക്സ്പോ) സംഘടിപ്പിക്കുന്നു. മെയ്‌ മൂന്നാം തീയതി വൈകുന്നേരം അഞ്ചുമണി മുതൽ ആരംഭിക്കുന്ന പരിപാടി രാത്രി 10 മണി വരെ രണ്ട് ദിവസങ്ങളിലായി നടക്കും.
എക്സിബിഷന്റെ ഭാഗമായി ഇസ്ലാഹി സെന്റർ പ്രസിഡന്റ് അബ്ബാസ് ചെമ്പൻ മുഖ്യ രക്ഷാധികാരിയായും നൂരിഷ വള്ളിക്കുന്ന്‌, മുസ്തഫ ദേവർഷോല, എന്നിവർ രക്ഷാധികാരികളായും കമ്മിറ്റി രൂപീകരിച്ചു. മറ്റു ഭാരവാഹികൾ- ചെയർമാൻ വി.ടി നിഷാദ്, വൈസ് ചെയർമാൻ റസാഖ് റിഹേലി, അഹമ്മദ് ആലുങ്കൽ, വി പി അലി, എന്നിവരും ജനറൽ കൺവീനറായി ഷിഹാബ് സലഫി, ഓർഗനൈസിങ് കൺവീനർ ഷാഫി ആലപ്പുഴ, കൺവീനർ മാരായി നൗഫൽ കരുവാരക്കുണ്ട്, അമീൻ പരപ്പനങ്ങാടി എന്നിവരെയും തെരഞ്ഞെടുത്തു. നിച് ഓഫ് ട്രൂത്ത്‌ ഡയറക്ടർ എംഎം അക്ബർ, യാസർ അറഫാത്, അമീർ എന്നിവരും എക്സ്പോയിൽ പങ്കെടുക്കും.